د پاکستاني فوج جیټ جهازونو د شمالي وزیرستان په شوال غرنۍ سیمه کې پرله پسې د نهې یا سه شنبې په ورځ په دریمه ورځ هم د مشکوک وسله والو په هدفونو بمباري او پکې يي د ١٨ نورو طالبانو د وژلو دعوه کړې ده.
د فوج د عامو تعلقاتو څانگې اي ایس پې ار خبریالانو ته په مختصر پیغام کې شوال کې د وسله والو ته د تازه تلافاتو تصدیق کړی خو نور څه معلومات يي نه دي وړاندې کړې کې وژل شوي کسانو څوک دي او پکې د وسله والو څوک اهم شته او که نا؟
په تیرو دریو ورځو کې د اي ایس پې ار په وینا شمالي وزیرستان کې د وژل شوو مبینه طالبانو مجموعي شمیره ١٠٨ ته رسیدلې ده.
پاکستاني امنیتي ځواکونو تیر کال د جون د میاشت راهسې شمالي وزیرستان کې وسله والو خلاف د ضرب عضب په نوم کاروائي شورو کړې ده. ددې نه وړاندې فوجي مامورینو سېمه کې د سلگونو په شمیره کې وسله والو د وژلو دعوې کړې او ویلي يي دې وژل شوو کسانو کې غیر ملکي وسله وال هم شامل دي.
طالبان دوي ته د تلافاتو فوجي دعوې ردوي.
د اتوار په ورځ د طالبانو یو ترجمان خبریالانو ته ټیلې فون د لارې ویلي وو فوج شوال کې د ملکې خلکو په کورونو بمباري کړې ده او ملکي کسان يي وژلې دي.
د امنیت غیر یقیني حالاتو په سبب خبریالان شمالي وزیرستان کې په ازاده توگه دنده نشې ترسره کولی نو ځکه کړکیچ کې ښکیل فریقینو لخوا د شوو دعوو په بې طرفه ډول تصدیق ممکن نه وي.
د صحافت د ازادۍ تنظیمونه وايي پاکستان کې په عمومي توگه او په قبائیلي سیمو کې په خصوصي توگه خبریالان که یو خوا ته امنیتي ادارو لخو د بندیزونو سره مخ کیږي نو بلخوا ورته وسله دړکې ورکوي
