لاس رسیدونکی لینک

تازه خبر

د کراچۍ د دریوؤ ضلعو په ماحولیاتي نمونو کې پولیو وایرس تصدیق شوی


د پاکستان د تر ټولو ستر ښار کراچۍ په دریوؤ ضلعو کې په ماحولیاتي نمونو کې د پولیو وایرس تصدیق شوی دی.

پاکستان کې د بېړنیو عملیاتو د مرکز له مخې د کراچۍ د ملیر په دریوو، د شرقي په 12 او د جنوبي ضلعې په پینځو ماحولیاتي نمونو کې د پولیو وایرس ثابت شوی دی.

تر دې وړاندې تېره ورځ د سیند په بدین ضلعه کې هم په ماحولیاتي نمونو کې د پولیو د وایرس تصدیق شوی ؤ.

د پاکستان د قامي صحت وزارت د شمیرو له مخې د روان کال په اوږدو کې په 83 ماحولیاتي نمونو کې د پولیو وایرس تایید شوی دی.

د قامي صحت د وزارت اعلامیه کې ویل شوي چې دې ماحولیاتي نمونو کې کوم وایرس موندل شوي هغه د پولې له پورې غاړې څخه پاکستان ته راوړل شوي دي.

اعلامیه وايي سږکال چې د پولیو کوم دوه کیسونه اؤ څومره ماحولیاتي نمونې مخې ته راغلي هغې کې هم دا یو رقم وایرس موجود دی.

په پاکستان کې د روان کال په مهال روانه میاشت د پولیو دوه کیسونه د بلوچستان صوبې څخه مخې ته راغلي دي چې یو پکې د سرحدي ښار چمن اؤ بل د ډيره بګټي سیمې څخه ریکارډ کړی شوی دی.

د بلوچستان روغتيايي چارواکي وايي، د ډېره بګټي په پوليو اخته شوی ماشوم د سويي سيمې اوسېدونکی دی او ورته اووه ځله د پوليوضد څاڅکي ورکول شوي دي.

پاکستان کې د پوليو د مخنيوي د پروګرام مشر ډاکټر شهزاد بېګ ويلي، پاکستان او افغانستان يواځيني هيوادونو دي چرته چې د پوليو وايرس موجود ‏دي، تېر کال په پاکستان کې د پوليو شپږ پېښې مخې ته راغلې وې.‏

هغه زياته کړه، سږ کال هم په ځينو ضلعو کې د پوليو وايرس معلوم شوی او د هغې مطلب دا دی چې د پوليو خطره شته.‏

Forum

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG