کوټه —
د بلوچستان په تربت ضلع کې د یو موټر سره نژدې د سړک په غاړه ښخ بم چاودېدلی او اووه کسان یې وژلي دي.
په تربت کې د پولیس اېس اېس پي محمد بلوچ د وي او ای خبریال حفیظ الله ستوري شيراني ته وویل چې وژل شوي کسان په یو واده کې شرکت دپاره په موټړ کې په سفر وو چې د سړک په غاړه ښخ بم پې خلاص شو.
دغه پېښه د تربت او پنجګور ترمنخ په بالګتر سیمه کې شوې ده.
د پولیس په قول وژل شوي ټول ملکي کسان وو او د چاودنې له امله په موقع مړه شوي دي.
اېس اېس پي محمد بلوچ وویل امنیتي ځواکونو سیمه په ولکه کې اخیستې او تحقیقات يې شروع کړي دي.
Forum