د پېښور هايي کورټ د غیر قانونه تنظیم تحریک نفاذ شریعت محمدي مشر مولانا صوفي محمد د قید نه د ازادولو امر کړی دی. صوفي محمد د تیرو اوو کلونو راهسې د غدارۍ په الزام په زندان کې بندي و.
د صوبې تر ټولو لوې عدالت د صوفي محمد د ازادولو امر د گل، دوشنبې، په ورځ وکړو.
د پاکستان ډان ورځپاڼه وايي صوفي محمد په ضمانت ازاد کړی شوی دی او د گل، دوشنبې، په ورځ هغه عدالت ته وویل چې په زندان کې یې صحت ورځ تر بله خرابیږي.
د پاکستان حکومت د صوفي محمد په تنظیم په کال ٢٠٠٢ پابندي ولگوله.
په کال ٢٠٠١ کې صوفي محمد په زرگونو کسان افغانستان ته لیږلي وو چې هلته د د امریکايي ځواکونو خلاف وجنگیږي.
صوفي محمد د پاکستاني طالبانو مشر ملا فضل الله خسر دی.
مولانا صوفي محمد په کال ٢٠٠٩ کې د پاکستان خلاف په تقریرونو، د ترهگرۍ او د تشدد راپارولو په الزام ونیول او هم د هغه وخت راهسې په زندان کې بندي و.