لاس رسیدونکی لینک

تازه خبر

د شام په الیپو (حلب) ښار کې جنگ روان دی


الیپو د شام تر ټولو لوې ښار دی خو د کال ٢٠١٢ راهسې د حکومتي ځواکونو، حکومت مخالف وسله والو، اسلامي وسله والو او کرد جنگیالو په منځ کې ویشلی شوی دی
الیپو د شام تر ټولو لوې ښار دی خو د کال ٢٠١٢ راهسې د حکومتي ځواکونو، حکومت مخالف وسله والو، اسلامي وسله والو او کرد جنگیالو په منځ کې ویشلی شوی دی

د شام په الیپو (حلب) ښار کې د حکومتي ځواکونو او باغیانو ترمنځ جنگ روان دی او مبصرین وايي په ورستۍ نښتو کې لږ تر لږه ۴١ ملکي کسان وژل شوي دي.

د جگړې په اړه ورستي رپورټونه وايي د جنگ زور د الیپو ښار په غربي اړخ زیات دی او پکې د اتوار، یکشنبې، د ورځې راهسې شدت راغلی دی.

د باغیانو کوښښ دی چې د روس په ملاتړ جنگیدونکې حکومتي ځواکونه په دوه برخو کې تقیسم کړي او د شا نه پرې حمله وکړي. حکومتي عسکرو د ښار ختیځه برخه محاصره کړې ده.

څیړونکې وايي په الیپو تازه جنگ کې تر دې مهال ۴١ ملکي کسان وژل شوي دي. بلخوا د شام حکومتي خبري ادارې سناء ویلي د حکومت د ولقې د لاندې په دوو ضلعو کې ٣٥ کسان د زهرجن گیس د اثراتو نه متاثر شوي دي.

په رپورټ کې د زهرژن گیس د استعمال پړه په هغه "ترهگر تنظیمونو" اچول شوي چې د حکومت په وینا تعلق يي د ترکي او د سعودي عرب سره دی.

د هسپتال یو ډاکټر ظاهر هاجو وايي ١٥ داسې کسان په زخمي حال کې راوستل شوي وو چې زهرژن گیس وهلي وو، د خولې نه ځگ تلو او باقۍ يي کولی.

څیړونکې او باغیان وايي د تازې جگړې مرکز د ښار په مینځ کې یوه ریایشي علاقه ده چې که چرې باغیانو ونیوله نو د حکومت په ولکه کې د ښار غربي اړخ ته به نور هم ور نژدې شي.

یاغیانو د الیپو په غربي برخه په حکومتي علاقو باندې خپلو حملو کې ځانمرگي حمله کونکې او درنه توپخانه استعمال کړې ده.

الیپو د شام تر ټولو لوې ښار دی خو د کال ٢٠١٢ راهسې د حکومتي ځواکونو، حکومت مخالف وسله والو، اسلامي وسله والو او کرد جنگیالو په منځ کې ویشلی شوی دی.

د صدر بشارالسد په حکومت په باغیانو د کیمیاوې وسلې د استعمال الزام لگول کیږي. د روان کال په سر کې شامي امریکائي ډاکټرانو ویلي د شام په جگړه کې د کیمیائي وسلې د استعمال دلاسه د کال ٢٠١١ راهسې ١٥٠٠ کسان تر دې محاله وژل شوي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG