بېروت (ای بي) —
د وي او ای ډیوه وېټس اېپ اېپليکېشن
د شام د حکومت مخالفینو د شام په دویم لوی ښار حلب حمله کړې او د جمعې په ورځ د ښار په مضافاتو کې د امنیتي ځواکونو او د باغیاتو جګړې دوام لرلو.
په شام کې د جګړې د څارنې یو تنظیم او وسله والو وویل باغیان د تېرو څو ورځو راهسې د حلب په لوري د تګ کوښښونه کوي او په لاره يې یو شمېر کلي او بانډې نیولي دي.
دا وړمبی ځل دی چې په کال ۲۰۱۶ کې د ښار د مشرقي علاقې نه د ویستل کېدو وروسته باغیانو په حلب حمله کړې ده.
په شام کې د جنګ او د انساني حقونو د څارنې ادارې سیرین ابزروېټري فار هیومن رایټس وویل باغیانو د حلب په مغربي څنډه د جمعې په ورځ د موټر بمونو دوه چاودنې وکړې.
د شام حکومتي ځواکونه وايي باغیان به په شا تمبوي او په مخالفینو يې الزام ولګولو چې د خپلې پېش قدمۍ په اړه غلط معلومات خپروي.
Forum