د امریکې د صدر په حیث د خپلې وړمبۍ رسمي خارجه دورې نه پس ډانلډ ټرمپ واشنگټن ته رارسیدلی دی او د راتلو سره سم يي د وایټ هاوس د چارواکو په د مسایلو د خبرونو په سر په مطبوعاتو ټکونه پیل کړل.
د یورپ او منځني ختیځ د نهو ورځو دورې ورسته، د اتوار، یکشنبې، په ورځ ډانلډ ټرمپ په ټویټر خپلو پیغامونو کې وویل چې سفر يي د "امریکې دپاره عظیمه کامیابي وه. کار د زیار و خو نتیجې يي لوې دي."
او بیا صدر ټرمپ د امریکايي مطبوعاتو نه خپلو پخوانۍ گلو او شکایتونو ته واوړیدو.
"دا ځما رای ده چې د وایټ هاوس نه خفیه معلومات افشا کیږي دا د جعلي میډیا جوړو کړي دروغ دي،" صدر ټرمپ په ټویټر وویل او زیاته يي کړه چې کله هم یو خبر د نامعلومه سرچینو په حواله شائع شي او د چا نوم ورسره نه وي ښودل شوی نو "ممکنه ده چې دا به جعلي خبر لیکونکو په دروغه جوړ کړي وي. فیک نیوز (جعلي خبرونه) دښمن دی."
صدر ټرمپ او د هغه معاونین په داسې حال کې واشنگټن ته ستانه شوي دي چې ټرمپ او په وایټ هاوس کې د ځینې مامورینو خلاف روس سره د غیرقانوني رابطو په سر تحقیقات شروع شوي دي.
د کومو مامورینو په اړه چې تحقیقات شروع کړی شوي دي پکې د صدر ټرمپ زوم او د وایټ هاوس مشیر جیرډ کوشنر هم شامل دی. امریکايي مطبوعات وايي کوشنر روس سره د خفیه مواصلاتي رابطو قایمولو کوښښ کولو.
صدر ټرمپ روس سره د رابطو لرلو خبره ردوي.
