د ترکي د صدر رجب طیب اردوان ګوند د هیواد په سترو ښارونو کې په ځايي انتخاباتو کې د ماتې سره مخ شوی دی خو د پاکستان وزیراعظم عمران خان په ټویټر باندې نوموړي ته مبارکي ویلي هغه لیکي :
" د ترکي مقامي انتخاباتو کې کامیابي ترلاسه کولو باندې د پاکستان ملګري رجب طیب ارودان ته مبارکي وايم. پاکستانیان دعا کوي چې طیب اردوان ته الله پاک نورې کامیابې ورکړي"
د عمران خان په ټويټ پورې په ټولنيزو رسنیو کې ملنډې هم شوي دي او هغه ته د نړیوالو مطبوعاتو هغه خبرونه ورلیږل شوي دي چې د ترکي صدر رجب طیب اردوان واکمن ګوند د اتوار په ورځ شوو ځايي یا مقامی انتخاباتو کې د هیواد په مهمو ښارونو کې د ماتې سره مخ شوی دی، او حکومت مخالفه لوې سیاسي ګوند په سر ښار انقره کې کامیابي ترلاسه کړي ده.
صدر رجب طیب اردوان په استنبول کې خبریالانو سره د خبرو په وخت منلي، سیاسي ګوند جسټس اېنډ ډیویلپمنټ پارټي (ای کی پي) په انتخاباتو کې د ماتې سره مخ شوی،
نوموړي ویلي:
"مونږ ځنې ګټې کړي او د بیلات سره هم مخ شوي یو"
په دغه مهال صدر اردوان ژمنه کړې چې د اقتصاد ښه کولو لپاره به ډیر زر ګامونه پورته کوي.
په استنبول کې سخته مقابله شوي خو تراوسه د سرکاري نتیجو اعلان نه دې شوې. او دواړه ګوندونه د خپلو کامیابیو دعوې کوي.
استنبول د ترکي هغه ښار دې چرته نه چې طیب اردوان د یو سیاستمدار په توګه نړۍ کې پیژندل شوی وو.
د انقرې او استنبول پرته ای کی پي ګوند په ګڼو نورو ښارونو کې د ماتې سره مخ شوی او په یو شمیر نورو ښارونو کې بیا په ډیرو کمو ووټونو کامیابي ترلاسه کړی
په استنبول او نور غټو ښارونو کې حکومت جوړول د ښاغلي اردوان د صدرات لپاره ډیرضروري وو. ځکه چې د ترکي په سیاست کې د پخوانه دا ویلې کیږي چې په استنبول کې چې د چا واک وي نو باقي پاتې ترکې هم دهغوی د واک لاندې وي.
هم دغه وجه ده چې څیړونکې او عام خلک په استنبول او انقره ښارونو کې حکومتي ګوند ناکامي د طیب اردوان ناکامي یاده وي.
