دملګرو ملتونو د اېټمي توانايي ادارې ویلي د جمعې په ورځ یې یو قرارداد منظور کړو چې پکې په ایران غږ شوی دی چې د ادارې معاینه کوونکو ته دې د هغو دوو مشکوک مرکزونو د کتنې اجازت ورکړي چې پکې د اېټمي موادو د ذخیره کېدو ګمان کېږي.
انټرنشنل اټامک اېنرجي اېجنسي د ملګرو ملتونو په دفتر کې د ایران د اېټمي پروګرام په قرارداد منظور کړو.
ایران ملګرو ملتونو ته د دغو مرکزونو د معاینې اجازت نه دی ورکړی چې له امله یې تېرو څو میاشتو راهسې سفارتي تاوتریخوالی پېدا شوی دی.
د ایران د مشکوک مرکزونو کتلو دپاره قرارداد برطانيي، فرانس او جرمني وړاندې کړی و او امریکې یې هم حمایت وکړو. چین د قرارداد مخالفت کوي.
په قرارداد کې په ایران غږ شوی چې ايي اي ايي ای سره دې په مکمله توګه همکاري وکړي، بغیر د څه ځنډ نه دې د ادارې خوښتنې ومني او هغو مرکزونو ته دې رسايي ورکړي چې ايي ای اي ای یې غواړي.
ایران وايي د ملګرو ملتونو د اېټمي توانايي اداره دغه مرکزونو ته ځکه د رسايي قانوني اختیار نلري چې هلته ځلې د ۲۰۱۵ د اېټمي معاهدې نه وړاندې شروع شوي دي.
د کال ۲۰۱۵ د ایران او امریکا، روس، چین، جرمني، برطانيي او فرانس ترمنځ معاهدې دلاندې ایران پابند و چې د یورینیم جوړولو هلې ځلې به ځنډوي او په بدل کې به په ملک د غربي قوتونو اقتصادي پابندۍ نرمې کړی شي.
د امريکې صدر ډانلډ ټرمپ په کال ۲۰۱۸ د ایران سره اېټمي معاهدې ختمه کړې ده او په تهران یې بندیزونه بیا پرځای کړي دي. د معاهدې نور فریق ملکونه وايي د لوظنامې پابند دي.
