لاس رسیدونکی لینک

Breaking News

د امریکې د دفاع وزیر د افغان صدر او د پاکستان پوځي مشر سره د منځني ختیځ په اړه خبرې کړي


صدر اشرف غني هم په ټوېټر د امریکې د دفاع وزیر مارک اېسپر سره د خبرو ذکر وکړو او ویې وېل "مونږ دواړه په دې متفق شو چې دا وخت په بېړنۍ توگه د امریکې او د اسلامي ریاست ایران ترمنځ د تاوتریخوالي د کمولو ضرورت دی."

د امریکې او د ایران ترمنځ د زیات شوي تاوتریخوالي په مهال د امریکې د دفاع وزیر مارک اېسپر د افغان صدر اشرف غني او د پاکستان پوځي مشر جنرل قمرجاوید باجوه سره خبرې کړې دي.

مارک اېسپر د ټوېټر دلارې د اشرف غني او جنرل باجوه سره د خبرو تصدیق وکړو او ویې وېل امریکا په منځني ختیځ کې تاوتریخوالی نه غواړي خو که "ضرورت پېښ شو" نو د طاقت استعمال به کوي.

صدر اشرف غني هم په ټوېټر د امریکې د دفاع وزیر مارک اېسپر سره د خبرو ذکر وکړو او ویې وېل "مونږ دواړه په دې متفق شو چې دا وخت په بېړنۍ توگه د امریکې او د اسلامي ریاست ایران ترمنځ د تاوتریخوالي د کمولو ضرورت دی."

د پاکستان پوځ د مطبوعاتو څانگې ايي اېس پي ار وویل مارک اېسپر د جنرل باجوه سره په ټېلې فون په منځني خیتځ کې په تازه صورتحال او د دې په ممکنه اثراتو خبرې وکړې.

جنرل باجوه
جنرل باجوه

ايي اېس پي ار په ټوېټر وویل جنرل باجوه وویل په سیمه کې د ثبات او تاوتریخوالي د کموولو دپاره ټول فریقین باید کوښښونه وکړي او د ضبط نه کار واخلي.

ايي اېس پي ار وویل جنرل قمر جاوید باجوه د دې خبرې په ضرورت هم زور واچولو چې په افغانستان کې د امن بهیر په کامیابۍ هم باید توجه پرځای وساتل شي.

په داسې مهال چې د افغانستان او پاکستان دواړو گاونډي هیواد ایران او د امریکې ترمنځ تاوتریخوالی زیات شوی، کابل او اسلام اباد ویلي خپله خاوره به د بل ملک خلاف استعمالېدو ته نه ورکوي.

د پاکستان د بهرنیو چارو وزير شاه محمود قرېشي ويلي پاکستان به د امریکې او ایران په صورتحال کې بې طرفه پاتې کېږي. ښاغلي قرېشي وویل د شورو، چهارشنبې، په سهار چې په عراق کې په امریکايي پوځي اډو کوم بريدونه شوي د هغې جاج اخلي او پاکستان نه غواړي چې سيمه په نوې جګړه کې ښکېل شي.

XS
SM
MD
LG