لاس رسیدونکی لینک

Breaking News

امریکې د روس او د چین په دوو کمپنو پابندۍ ولگولې


د جمعې په ورځ مایک پامپېیو د چین خارجه وزیر وان ايي سره په سنگاپور کې ولیدل

د امریکې د خزانې وزارت د روس په یو بېنک د جمعې په ورځ په دې وجه پابندي ولگوله چې د شمالي کوریا سره یې د اېټمي او د بېلیسټک مزایلو په پروگرامونو کې مرسته کوله.

د روسي بېنک نه علاوه د امریکې د خزانې وزارت په چین کې مېشته دوو کمپنو باندې هم پابندۍ ولگولې چې په خفیه توگه یې د کوریا سره لېن دېن کولو.

د امریکې د خزانې وزارت دغه اقدامات په داسې مهال کړي دي چې د امریکې خارجه وزیر مایک پامپېیو د سیمې په دوره دی او د خالي، شنبې، په ورځ به په سنگاپور کې د جنوب ختیځې ایشیايي هېوادونو مشرانو باندې غږ کوي چې په شمالي کوریا دې پابندۍ پرځای وساتي.

امریکا غواړي چې شمالي کوریا دې خپل اېټمي پروگرام ختم کړي. په دې لړ کې د دواړو هېوادونو ترمنځ خبرې هم شوي دي.

د جمعې په ورځ مایک پامپېیو د چین خارجه وزیر وان ايي سره په سنگاپور کې ولیدل.

دواړو وزیرانو د خپلو خبرو په اړه مطبوعاتو ته څه معلومات ورنکړل خو د ملاقات ورسته چین اعلان وکړو چې که چېرې امریکې د چین په صادراتو د ماليي شرح زیاته کړه نو چین به هم د امریکې نه د ٦٠ ارب ډالرو مالیت صادراتو مالیا کې اضافه وکړي.

امریکا وايي چین دې د امریکې تجارتي رازونه نه غلا کوي او چینايي کمپنیانو ته دې اسانې قرضې نه ورکوي.

XS
SM
MD
LG