لاس رسیدونکی لینک

Breaking News

صدر ټرمپ د ایران ایټمي تړون په حقله پریکړه اعلانوي


ټاکل شوې چې د امریکا صدر ډانلډ ټرمپ د جمعې په ماسپښین د ایران او د نړۍ د ځواکمنو هیوادونو سره د اټومي موافقې په اړه خپل تصمیم اعلان کړي.

امریکایي چارواکي وایي، د امریکا صدر ډانالډ ټرمپ به اعلان وکړي چې د ایران سره اتومي موافقه نوره د امریکا د ملي ګټو لپاره مهمه نده.

ځینو امریکایي چارواکو ویلي دي چې ښاغلی ټرمپ به د دې اعلان نه وروسته په سمدستي توګه د موافقې نه امریکا ونه باسي او نه به هم په ایران اقتصادي بندیزونه وضع کړي.

له بلې خوا روس خبرداری ورکړی چې د ایران د ایټمي موافقې نه د امریکا وتل به د نړۍ ثبات ته خطر پیښ کړي. او د ایران د پارلمان رئیس بیا ویلي دي چې که امریکا دا کار وکړي، ملګرو متلونو ته به سپکاوی وي.

خو د روس صدر ولادمیر پوتین ویاند دمیترې پیسکوف ویلي دي که امریکا د موافقې نه ووځي، دا کار په ټولې نړۍ کې ثبات، امنیت او د اتومي وسلو د نه خپرولو چارو ته زیان رسوي.

په همدې حال کې د ایران د پارلمان رئیس علي لاري جاني چې ماسکو ته په رسمي سفر تللی، وایي چې د ایران سره د اتومي موافقې نه د امریکا وتل به ملګرو ملتونو ته سپکاوی وی.

ښاغلي لاریجاني خبرداری ورکړی چې په اتومي موافقې کې هر ډول بدلون به ایران اقدام کولو ته مجبوره کړي. د ایران د پارلمان مشر همدارنګه خبرداری ورکړ چې د موافقې نه د امریکا وتل به " د نړۍ وضعیت بې ثباته کړي."

د وي او ای اشنا په مننه

XS
SM
MD
LG