لاس رسیدونکی لینک

Breaking News

ایران ته د جاسوسۍ په الزام په امریکايي مېرمن فرد جرم لگول شوی


ویل کېږي مانېکا اېلفرېډ وېټ د ایران استخباراتي ادارو ته د جاسوسي معلوماتو راټولو د امریکې د یو انتهايي خفیه پروگرام په اړه معلومات ورکړي وو او د امریکې د یو استخباراتي افسر شناخت یې څرگند کړی و

د امریکې د هوايي پوځ د استخباراتی څانگې په یوې پخوانۍ کارکونکې د ایران دپاره د جاسوسۍ په الزام فرد جرم لگول شوی دی.

د امریکې د انصاف وزارت ویلي مانېکا اېلفرېډ وېټ د ایران حکومت ته خفیه پوځي معلومات ورکړې دي او په خپلو همکارانو یې د ایران دپاره مخبري کړي. هغه شپږ کاله وړاندې ایران ته تښتېدلې ده.

ویل کېږي مانېکا اېلفرېډ وېټ د ایران استخباراتي ادارو ته د جاسوسي معلوماتو راټولو د امریکې د یو انتهايي خفیه پروگرام په اړه معلومات ورکړي وو او د امریکې د یو استخباراتي افسر شناخت یې څرگند کړی و.

په مېرمن وېټ د فرد جرم په اړه دستاویزاتو کې ویل شوي چې هغې د امریکې په اتوو استخباراتي مامورینو مخبري کوله.

امریکايي مامورینو د مانېکا اېلفریډ وېټ د گرفتارۍ احکامات جاري کړې دي.

په مانېکا اېلفریډ وېټ په فرد جرم کې د ایران د پاسداران انقلاب ځواکونو څلورو ایراني مامورینو نومونه هم شامل دي او په هغوي د سازش، د کمپیوټرو هیکنگ او د جعلي شناختونو جوړولو په سر فرد جرم لگول شوی دی. دغه تنانو به په جعلی نومونو په سوشل مېډیا خلک په هدف کول او د هغوی کمپیوټرو ته به یې ځان رسولو.

XS
SM
MD
LG