لاس رسیدونکی لینک

تازه خبر

امریکا ائتلافیانو سره په لېبیا کې په پوځي لارو چارو مشورې کوي


امریکا ائتلافیانو سره په لېبیا کې په پوځي لارو چارو مشورې کوي
امریکا ائتلافیانو سره په لېبیا کې په پوځي لارو چارو مشورې کوي

امریکا ویلي د لېبیا مشر معمر قذافي لخوا د مظاهره چیانو پرضد د زور زیاتي او تشدد په اړه خپلو ائتلافیانو سره په پوځي لارو چارو صلاح مشورې کوي.
لېبیا کې مظاهره چیان او مخالف ډلې د ښاغلي قذافي د 42 کلن شخصي واکمنۍ پرضد د تیرو دریو اونیو نه احتجاج کوي.
امریکایي چارواکو د گل په ورځ ویلي دي د نو فلائي زون یا د لېبیا په فضایی حدودو کې حکومت پلوه جنگي جهازونو باندې بندیز ترڅنگ په هرقسمه لارو چارو فکر روان دی.
د نو فلائي زون مقصد معمر قذافي هوایي پوځ د یاغیانو پرضد د نورو حملو نه ودرول دی. ېاغیان په ختېځ لېبیا او د لویدیځ ځېني برخو باندې کنټرول لري.
د برتانیا وزیراعظم ډیوډ کېمرون ویلی لندن هم د لېبیا پرضد د نو فلائي زون قائمولو په منصوبه کارکوي.
د امریکې پوځي کمانډرانو ویلي دي چې دوي خپل سمندری او هوایی ځواکونه لېبیا ته ورنیزدې کوي چې دغه شان د امریکې صدر براک اوباما انتظامیه ته د بشري مرستو او څه د نورو قسمه گامونو لپاره لارې چارې ورکړي.
د امریکا د بهرنیو چارو وزرات ویلي واشنگټن په نزدې ورځو کې د لېبیا مخالفه ډلو په حاجتونو او اندېښنو ځان پوهولو لپاره هغوي سره په تماس کې دې.
خو ملگرو ملتونو کې د امریکا استازی سوزن رائیس ویلي دي چې دا د وخت نه ډیره وړاندې خبره ده چې مخالفه ډلو ته په پوځي امداد غور اوشي په داسې وخت کې چې دغه ډلې د نور منظم کیدو هڅې کوي.
امریکا د ښاغلي قذافي په حکومت مالی فشار هم زیاتوي او تېره اونۍ یې د خپل اړخ نه بندیزونه لگولي دي.
ددغه بندیزونو ترمخه امریکا کې د ښاغلي قذافي د کورنې 30 اربه ډالر اثاثې منجمد کړې شوي دي.
امریکا او لویدیځ ائتلافیان غواړي چې ښاغلې قذافي سم لاسي خپله څوکې پریږدي ځکه چې د قذافي حکومت پلوه ځوکوانو د لاسه په سلگونو مظاهره چیانو د وژنې وروسته د هغه د واک قانوني حثیت ختم شوې دی.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG