امریکا کې د گل په ورځ د قامي اتلانو د یادولودستورې وونمانځلی شوې چې پکښې هاغه ښځې او سړې عسکر یاد کړی شول چې د هیواد په خدمت کې يي خپل ځانونه قربان کړې دي.
د میمورئیل ډی یا یادولو ورځ دستورې د گرد هیواد په بیلا بیلو ښارونو کې وشوې. صدرباراک اوبامه په شیکاگو ښار کې د پخواني صدر ابراهم لنکن په قبر د گلونو څادر اچولو د لارې د میمورئیل ډی دستوره کې برخه واخسته.
نائب صدر جو بائیډن د سرښار واشنگټن سره نزدې د ارلنگټن په قامې هادیره کې هم په دغه رنگ یوه دستوره کې گډون ووکړو. جو بائیډن په افغانستان، عراق او ددې نه په مخکښې جنگونو کې وژل شوو عسکرو ته د ستائینې او د احترام پرزونې وړاندې کړې.
هغه وویل چې د قربان شوو عسکرو کورنیو سره سره ټول امریکایان باید ددغه اتلانو په ژوندونو، کارنامو او د کوم هیواد د پاره چې دوي قربان شوې په هغې افتخار محسوس کړي.
میمورئیل ډی هرکال د مۍ د میاشتې د اخري گل په ورځ د امریکې وژل شوو عسکرو په یاد کې نمانځلی کیږي.
امریکا کې د گل په ورځ میمورئیل ډی یا د قامي اتلانو د یادولو ورځ وونمنانځلی شوه
1
