لاس رسیدونکی لینک

Breaking News

د نیویارک حمله کونکي دداعش نه اثر اخیستی و


پولیس وايي ٢٧ کلن عقایدالله د گل، دوشنبې، په ورځ د نیویارک د ریل گاډي یو سټیشن سره نژدې ځان پورې تړلي د پایپ نه جوړ بم د خلاصولو کوښښ وکړو، خو چاودیدونکي مواد په سمه توگه ونه چلیدل

د امریکې په نیویارک ښار کې د پایپونو نه جوړ بم د خلاصولو په لړ کې نیول شوي تن په انټرنیټ د داعش تبلیغات کتلي وو او تفتی‍شي افسرانو ته یې ویلي هغه د امریکې د پوځي بریدونو پرضد دغه گام پورته کړی و.

پولیس وايي ٢٧ کلن عقایدالله د گل، دوشنبې، په ورځ د نیویارک د ریل گاډي یو سټیشن سره نژدې ځان پورې تړلي د پایپ نه جوړ بم د خلاصولو کوښښ وکړو، خو چاودیدونکي مواد په سمه توگه ونه چلیدل.

د چاودنې په نتیجه کې خپله حمله کونکی او درې نور کسان زخمیان شوي دي.

پولیس ویلي عقایدالله هسپتال ته منتقل کړو. د هغه تنه سوزیدلې ده او لاسونه یې زخمي دي.

د نیویارک ښار وال بل ډي بلیزیو د پېښې په اړه ویلي دا د ترهگر حملې کوښښ و خو حمله کونکی په خپل مقصد کې کامیاب نشو.

نیول شوی تن د بنگله نه امریکې ته راغلی او اباد شوی دی.

په واشنگټن کې د بنگله دیش سفارتخانې د گل، دوشنبې، په ورځ یو بیان کې د پیښې غندنه وکړه او وې ویل بنگله دیش د ترهگرۍ لپاره هیڅ زغم نه لري او د نړۍ په هر گوټ او په هر شکل کې د ترهگرۍ غندنه کوي.

صدر ډانلډ ټرمپ د پېښې په اړه خپل پیغام کې وویل وخت راغلی چې کانگرس د د مهاجرت په اړه قانون سازي وکړي چې دا رنگ د امریکې اولس ته تحفظ ورکړی شي.

په تیرو دوو میاشتو کې په نیویارک د داعش د تاثیر دلاندې دا دویمه حمله وه. د اکتوبر په میاشت کې یو تن چې داعش سره یې همدردي لرله په نیویارک کې یې یو ټرک په لاره تلونکو خلکو ور وخیږولو او اته کسان یې ووژل.

XS
SM
MD
LG