د امریکې د اوریگن ریاست په پورلینډ ښار کې د چاړه په لاس یو تن دوه مسلمانې ښکاریدونکو زنانه ؤ ته د کرکې نعرې وهلې خو د میرمنو په دفاع کې نور کسان راپاسیدل چې حمله کونکي پکې دوه د چاړه په گزارونو قتل کړل او یو بل تن يي زخمي کړو.
دغه پیښه د خالي، شنبې، په ورځ په داسې مهال رامنځته شوه چې دغه زنانه ؤ په ریل گاډي کې سفر کولو. پولیس ویلي یوې زنانه حجاب اغوستی و.
پولیس ٣٥ کلن حمله کونکی جرمي جوزف کرسچین گرفتار کړی دی. کرسچین پخوا د سنگین جرم په سر سزا شوی دی.
د هغه د چاړه په گزارونو یو تن په موقع ووژل شو، دویم تن په هسپتال کې ساه ورکړه او دریم کس سنگین زخمي شوی دی خو ژوند يي د خطر نه بهر دی.
په کرسچین د قتل، اقدام قتل او د سزایافته تن په توگه د وسله ساتلو دفعې لگول شوي دي او بغیر د ضمانت گرفتار دی. هغه به د نهې، سه شنبې، په ورځ عدالت ته وړاندې کولی شي.
د پورلینډ پولیس سارجنټ پیټ سمپسن ویلي په نورو د حملې وړاندې کرسچین د نفرت او تعصب نه ډکې خبرې کولې او بیا يي توجه دواړو زنانه ؤ ته وگرځیده.
دي اوریگینین ورځپاڼې ترمخه نور کسان راپاسیدل چې کرسچین د خپلې رویي نه منع کړي په جواب کې پرې هغه حمله وکړه او په بې رحمه ډول يي ووهل.
په گاډې کې ناستې د یوې افریقايي امریکنۍ زنانه، چې نوم يي ډیانه هډسن ښودل کیږي، مور پولیس ته وویل چې د هغې لورې د خپلې ملگري سره په ریل گاډي کې ناسته وه چې کرسچین پرې نعرې کړي "مسلمانانو ته مرگ پکار دی."
د ډیانه ملگري حجاب اغوستی و.
په امریکا کې د مسلمانانو د حقونو لپاره کارکونکې تنظیم کاونسل ان امریکن اسلامک ریلیشنز یا کیر وویل اداره په امریکا کې د مسلمانانو خلاف په واقعاتو د اضافې الزام د صدر ډانلټ ټرمپ د مهاجرت پرضد په وینا لگوي.
د پورټ لینډ میر یا ښار وال ټیډ ویلر د پیښې غندنه وکړه او وې ویل دا وخت په نړۍ کې ډیر زیات نفرت او تشدد موجود دی. "زمونږ موجوده سیاسي فضا هغه د چا لپاره میدان ازاد اساتلی چې عدم برداشت خپروي،" هغه وویل.
