دامريکا خارجه محکمې وئيلي دي دجمهوريت او نړيوالو چارو په اړه لوړپوړي عهديدارماريه اوټريو به اسلام اباد کې دپاکستان او امريکا ترمينځ داوبو په موضوع ترسره کيدونکو مذاکراتو کې دامريکائي هيئت مشري کوي.
دخارجه محکمې له لوري دگل په ورځ جاري شوي بيان کې وئيل شوي دي دورکنگ گروپ ددغه څلورمې غونډې مقصد دداسې گامونو جاج اخستل دي چې په مدد سره يې پاکستاني اولس ته داوبو ترلاسه کيدل باوري کيدى شي.
اسلام اباد کې کيدونکو مذاکراتو کې به ددواړو هيوادونو دحکومتونو تکنيکي ماهرين او دپاکستان دڅلورو صوبو استازي هم گډون کوي.
ماريه اوټريو به پاکستان ته دخپل دغه سفر په مهال دمرکزي او صوبائي حکومتونو دچارواکو، ټولنيزو کارکوونکو او ځوانانو سره ليدنې کوي چې پکې به داوبو، دوگړو تحفظ، روغتيا، قانون سرلوړۍ، بشري حقونو او ټولنه کې دځوانانو دمخ په سيوا کيدونکي کردار پشمول په نورو چارو خبرې اترې کولى شي.
