د پاکستان جنوبي وزیرستان قبایلي علاقې ته د کیمیاوي څرې په وړلو لگیدلې پابندي لرې کړی شوي ده.
د ډیر وخت راهسې د جنوبي وزیرستان ترڅنگ د پاکستان نورو قبایلي سیمو ته هم د کیمیاوي څرې په وړلو پابندي لگول شوي وه او دا ځکه چې د مامورینو په وینا وسله والو څره په بمونو کې استعمالوله.
د امنیتي ادارو دریځ په خپل ځای خو په قبایلي سیمو د کرونده گرو گیله وه چې په څرې د پابندۍ دلاسه سیمه کې زراعت ته نقصان رسي او د فصلونو پیداوار کمیږي.
د قبایلي سیمو نه علاوه پاکستان نه افغانستان ته هم د څرې په انتقالولو بندیز پرځاې دی.
جنوبي وزیرستان ته په څرې د پابندۍ لرې کیدو په اړه نور تفصیل د وي او ای ډیوه خبریال عدنان بیټني په رپورټ کې اوریدی شئ:
