وایټ هاوس د جمعې په ورځ اعلان وکړو چې صدر جوبایډن به د فېبرورۍ په 20 نېټه د پولېنډ دوره کوي.
د اوکراین په پوله پولېنډ ته د صدر بایډن دوره په داسې حال کې اعلان شوي چې روس په اوکراین کې تازه حملې کړي او په اوکراین د روس یرغل دوه کاله هم پوره کېدونکي دي.
صدر بایډن به د پولېنډ صدر اندری دودا او د مشرقي يورپ نورو اتحادیانو سره ملاقاتونه کوي.
د فېبرورۍ په 24 نېټه په اوکراین د روس د یرغل دوه کاله پوره کېږي.
دغې ته په اشاره د وایټ هاوس د قامي سلامتیا شورا ترجمان جان کربي وویل پولېنډ ته د صدر بایډن دروه به دا خبره واضحه کړي چې امریکا به تر هغه وخت پورې د اوکراین سره ولاړوي تر څو چې پکار وي.
وایټ هاوس د جمعې په ورځ پولېنډ ته د صدر بایډن د دورې اعلان وکړو او هم دغه ورځ په سحر روس د اوکراین په مختلفو برخو کې تازه حملې وکړې.
د وي او ای د رپورټ ترمخه د روس په تازه حملو کې په ملکي هدفونو بمباري وشوه چې له امله يې په ځینو ځایونو کې بجلې منقطع شوه.
د اوکراین صدر ولادومېر زېلېنسکي د روس تازه بمباري د نېټو امنیت دپاره اجتماعي مشکل وبللو او د وډیو دلارې تقریر کې وویل چې پکار دا "ترهګري" ودرول شي.
د اوکراین هوايي پوځ وویل د 71 هغو مزایلو نه یې 61 راوغورځول چې روس چلولي وو.
امریکايي جنګي جهاز د الاسکا ریاست دپاسه پراسرار څیز وېشتی او راغورځولی دی
د امریکي یو جنګي جهاز د صدر جوبایډن په امر هغه پراسرار څیز وویشتلو او او را ويې غورخولوچې د جمعې په ورځ یې د الاسکا ریاست په فضايي حد کې پرواز کولو.یادونه: د دې رپورټ د وي او ای د هغه رپورټ نه اخیستل شوي چې فرن رابېنسن او پېنلوپالاو لیکی
