د یمن د حکومت ترجمان ویلي د هیواد د کابینې وزیران چې د تیرو څو میاشتو راهسې په سعودي عرب کې جلاوطن وو هیواد ته بیرته تللې دي.
ترجمان د شورو یا چارشنبې په ورځ شائع شوي بیان کې ویلي ستانه شوي وزیران به د جنوبي ساحلي ښار عدن نه خپله دنده ترسره کوي او هدف به يي هیواد کې ثبات بیا پرځائې کول وي.
په سمدستي توگه د جلاوطن صدر عبد ربو منصور هادي په اړه څه نه دي ویل شوي چې کله به هیواد ته ستنیږي. هغه د سږ کال په شورو کې د هوثيانو د باغیاوت په ترڅ کې د هیواد نه وتلی وو.
د صدر هادي د تگ ورسته په سرښار د قبضې دپاره مختلفې ډلې مبارزه کې ښکیل دي چې پکې هوثیان هم شامل دي. ایران د شیعه مسلک سره تعلق لرونکو هوثي باغیانو ملاتړ کوي.
یمن کې د خانه جنگۍ دلاسه ۴٥٠٠ کسان وژل شوي دي. د مارچ په میاشت کې سعودي عرب یمن کې هوائي بمباري شورو کړه په نتیجه کې د یمن کړکیچ نور هم سنگین شو.
حکومت پلوه جنگیالو عدن د هوثیانو نه بیرته نیولی دی او په نورو سېمو کې هم پرمختگ کوي.
