د پاکستان تحریک انصاف ګوند د پنجاب صويي د حکومت د اطلاعاتو وزير فياض الحسن چوهان په سوشل ميډيا يوه ويډیو خپره شوې چې پکې هغه د هندو لږکيو پرضد د کرکې وېنا کوي.
نوموړی یوې دستورې ته په وېنا کې وايي د" غوا متيازې څښونکومونږ مسلمانان يُو" او که تاسو زمونږ نه ډېر يئ خو کوم څیز چې زمونږ سره دی هغه تاسو نه شئ ساتلی "د بوتانو عبادت کوونکو".
د چوهان دا بيان په داسې وخت کې مخې ته راغلی چې امریکې پاکستان د مذهبي ازادیو څخه د سرغړونې په اړوند د ځانګړې اندېښنې نوملړ ته اچولی دی.
په سوشل ميډيا د فياض الحسن دغې وېنا ته سخت غبرګون ويل شوی او غندنه يې شوې ده.
په سيند صوبه کې مدني فعال کپيل دېو د پنجاب د وزير اطلاعات د وېنا ويډیو خپره کړې او ورسره يې ليکلي،
"د پاکستان سره د مينې په بدل کې د پنجاب صوبې د پي ټي ايي وزیر فياض چوهان مونږ ته په ځواب کې ناوړه توري کاروي او وايي چې (د غوا متيازې څښونکو) او د (بت عبادت کوونکو)، خو دا احساس نه لري چې په پاکستان کې څلور ملينه هندوان اوسيږي. تر دې چې په پي ټي ايي کې د اسمبلۍ ممبران دي".
This is what we get in response to our love & patriotism for #Pakistan from @PTIPunjabPK Minister @Fayazchohanpti using derogatory words for #Hindus "cow%27s urine" peenay walo & "idol worshippers" without realizing that #4million Hindus live here. Even his party has Hindu MPs. pic.twitter.com/h8rbpVcjLr
— Kapil Dev (@KDSindhi) March 4, 2019
د پيپلز ګوند د پارلیمان غړې شېرې رحمان د فياض چوهان د وېنا غندنه کړې ده.
I strongly, unequivocally condemn such bigotry against the Hindu community in Pakistan. This is totally unacceptable at any level. We struggle to give all citizens a level playing field but here is a minister using #HateSpeech, inciting violence and discrimination based on faith https://t.co/LYtxOb2rDD
— SenatorSherryRehman (@sherryrehman) March 5, 2019
په سوشل ميډيا د سختو نيوکو وروسته د پاکستان تحریک انصاف ګوند حکومتي وزیرانو هم د چوهان د وېنا پرضد خپل غبرګون څرګند کړی دی.
د بشري حقونو وزیرې شيرين مزاري ويلي، "دا د غندنې وړ ده او څوک هم دا حق نه لري چې د بل په مذهب حمله وکړي. زمونږ هندي وګړو د دې ملک دپاره قربانۍ ورکړي دي".
Absolutely condemn this. No one has the right to attack anyone else%27s religion. Our Hindu citizens have given sacrifices for their country. Our PM%27s msg is always of tolerance & respect & we cannot condone any form of bigotry or spread of religious hatred. https://t.co/uOTeyEg4Pb
— Shireen Mazari (@ShireenMazari1) March 4, 2019
دغه ډول د پاکستان تحریک انصاف ګوند ځينې نورو مشرانو هم خپل غبرګون څرګند کړی دی.
امریکې تېر کال د دسمبر په مياشت کې پاکستان د مذهبي ازادیو څخه د سرغړونې په اړوند د ځانګړې اندېښنې نوملړ ته اچولی خو د دې باوجود دې هېواد ته د احتمالي اقتصادي بندیزونو څخه استثنا ورکړی شوې وه.
د امریکې خارجه وزارت د مذهبي ازادۍ د نړیوالې مادې ۱۹۹۸ په اساس د پاکستان سره سعودي عرب، چین، تاجکستان، ترکمانستان، سوډان، برما اریټریا اؤ شمالي کوریا د مذهبي ازادۍ څخه د سرغړؤنې د اندېښنو ځانګړي نوملړ ته اچولي وو.
د فرورۍ په مياشت کې په نړيوال کچ د مذهبي ازادۍ دپاره د امریکا ځانګړي استازي سېم براؤن هېک ويلي د پاکستان د بهرنيو چارو د وزير شاه محمود قرېشي سره ليدلي او پاکستان غواړي چې د مذهبي ازاديو د سرغړونې د فهرست څخه بهر شي.
پاکستان کې وخت په وخت د لږکيو زورولو او د هغوي پرضد د کرکې د بيانونو خبرونه مخې ته راځي.