اسرایل ته د بلېنکن د رسېدو نه څو ګنټې مخکې، حزب الله په مرکزي اسرایل د راکټونو حمله وکړه او د اسرایل د زیاتې ابادۍ په سیمه او د هېواد په نړیوال هوايي اډه يې د خطرې سایرنې وغږولې خو څه جاني نقصان يې و نه کړو
د امریکې د بهرنيو چارو وزير انتني بلينکن به د نهې، سه شنبې په ورځ د اسرايل د مشرانو سره وويني، نوموړی په غزه کې د جنګ بندۍ د خبرو اترو بیا پيلولو هڅه کوي، چې غزې ته بشري مرستې ورسي، او په لبنان کې د اسرايل او حماس جګړه راکمه کړي.
امریکې د ګل، دوشنبې په ورځ د 24 نه زياتې کمپنیانې په تور فهرست کې اچولي، په دوی تور دی چې د پاکستان او ايران د وسلو او ډرون پرمختيايي پروګرام ملاتړ کوي، په دوی دا تور هم دی چې اوکراين کې د روس د جګړې د هڅو مرستې کوي.
یوکرېن ته اسټن د تګ نه څو ورځې مخکې امریکې کییف سره د ۴۲۵ مېلین ډالرو نور پوځي امداد اعلان وکړو چې په کې ګوله بارود، د هوايي دفاع نظامونه او د توپې ګوله بارود شامل دي
د لبنان مطبوعاتو ويلي، اسرايل د اتوار، يکشنبې په ورځ ، د هیواد يواځيني هوايي ميدان ته نزدې د حزب الله سره اړونده مالي ډلې څانګې په هدف کړي، دا وروسته له هغې چې اسرايل خبرداری ورکړی وو، په القرض الحسن څانګو به بريد وکړي.
د امریکې د صدارتي انتخاباتو کمپاين د نومبر په پينځمه نېټه د رسمي ټاکنو ورځې ته په وروستي پړاو کې دی، د ډېموکرېټک ګوند مرستياله صدره کاملا هېرس او د ريپبلکن ګوند پخواني صدر ډانلډ ټرمپ چې د مقابلې په ميدان کې دي، د دواړو توجه د اووه ریاستونو په سياسي ميدان ده کوم چې تر ټولو زياتې نتيجې ورکوي.
نور کتل
No media source currently available
