واشنګټن ــــ پاکستان ته د افغان طالبانو د پلاوي سفر ته په سوشل ميډيا بېلابيل غبرګون ویل شوی، چې ډېری کسانو پرې نیوکې کړې دي خو ځینو یې هرکلی هم کړی دی.
پښتنې سياستوالې بشرٰی ګوهر پاکستان ته د افغان طالبانو په راتګ په ټویټر پوښتنه راولاړه کړې او ويلي يې دي:
"د پاکستان سیاستوال او پارلیمان ولې د طالب ترهګرو او سټراټيجيکي اثاثو د ګوډاګي وزيراعظم طالبان خان سره په ليدنه غلي دي؟ د دوی د پاکستان د سفر اسانتیا چا برابره کړې ده؟".
Why are Political leaders & Parliament silent on the #PuppetPM, #TalibanKhan & #PuppetGovernment’s meetings with #StrategicAssets Taliban terrorists? Who facilitated their travel to #Pakistan?
— Bushra Gohar (@BushraGohar) October 3, 2019
حمد تقي هم دې ته ورته له پاکستاني چارواکو سره د طالبانو پر لیدنه طنز کړی او په ټویټر یې ویلي. د طالبانو لوړپوړي په ږيرو مشران د خپلو بې ږيرو وروڼو سره په اسلام اباد کې ويني. په یو بل ټویټ کې یې لیکلي:
"د ای ایس ای مشر جنرل فیض حمید د سدرن کمانډ له بریګېډیر غني برادر ته هرکلی وایي."
DG ISI General Faiz Hameed receiving Brig Ghani Baradar of the Southern Command #TalibanHomecoming pic.twitter.com/VPrv9o11i8
— Mohammad Taqi (@mazdaki) October 3, 2019
پښتون سياستوال او د بشري حقونو مبارز افراسياب خټک- چې تل یې په افغانستان کې د پاکستان تګلاره غندلې- په ټویټر ویلي:
"د اوږدې مودې د انکار نه وروسته د پاکستان رياست په ولسي او سرکاري کچه طالبانو جنګيالیو ته ورغاړې وتو، خو د دوی کاروونکي په پاکستان کې د دوی په اړه ښکاره پاليسي نه لري او دغه تضاد د دوی د ډلو جوړولو غمازي کوي".
After living in hollow denials for long years Pakistani state is publicly & officially embracing its Taliban proxies. But the handlers don’t agree on a clearly defined strategy to deal with Talibanization in Pakistan. Such differences reflect in the current factional squabbling.
— Afrasiab Khattak (@a_siab) October 3, 2019
د افغان طالبانو پلاوی د اسلام اباد په سفر دی، چې د مطبوعاتو په وینا د پاکستان د وزيراعظم عمران خان، د پوځ مشر جنرل قمر جاوېد باجوه او د ای اېس ای له مشر سره یې هم ليدلي دي.
د طالبانو پلاوي د بهرنیو چارو له وزير شاه محمود قرېشي سره هم ليدلي او د بهرنیو چارو وزارت ویلي، پاکستان غواړي چې د افغانستان شخړه د خبرو د لارې هواره شي.