د پاکستان وزيراعظم عمران خان ويلي د نړۍ په کچه د یادو پوهنتونونو د جوړ غوره نظام نه به ګټه پورته کوو او د قبلولو وړ د چلند اصول به جوړؤ چې د زده کوونکو اتحاديې په ځای کړی شي.
عمران خان دغه خبره په داسې حال کې کړې چې پاکستان کې په ۲۹م نومبر د پېښور په ګډون د ملک په بېلابيلو ښارونو کې زده کوونکو د يو والي په نوم لاريون کړی اود زده کوونکو د اتحاديو (يونينو) بيرته په ځای کېدو ترڅنګ يې د خپلو حقونو غوښتنې کولې.
عمران خان په ټویټر ويلي، په ملک کې پوهنتونونه د راتلونکې مشرتابه جوړوي او د زده کوونکو اتحاديې پکې مهم رول لوبوي، خو د بده مرغه په پاکستان کې په پوهنتونونو کې د زده کوونکو اتحاديې د جګړو ډګرونه جوړ شوي او په کېمپسونو کې يې د پوهې ماحول تباه کړی دی.
Universities groom future leaders of the country & student unions form an integral part of this grooming. Unfortunately, in Pakistan universities%27 student unions became violent battlegrounds & completely destroyed the intellectual atmosphere on campuses.
— Imran Khan (@ImranKhanPTI) December 1, 2019
عمران خان د زده کوونکو د اتحاديو په ځای کولو خبره کړې خو په پنجاب صوبه کې د لاريون کوونکو يو مشر عالمګير وزير بې درکه کړی شوی او بيا د اتوار په ورځ په لاهور کې د زده کوونکو پرضد مقدمه جوړه کړی شوې ده.
د راپورونو ترمخه په لاهور کې پوليسو په مقدمه کې د مشال خان د پلار اقبال لالا نوم هم شامل کړی دی.
مشال خان د مردان په عبدالولي خان پوهنتون کې د ژورنالزم د څانګې زده کوونکی ؤ په کال ۲۰۱۷ م کې د اپرېل په ۱۳م په هغه د مذهب د سپکاوي تور لګولی شوی او د پوهنتون زده کوونکو په تشدد وژلی ؤ.
د بشري حقونو نړیوال تنظیم (اېمنسټي انټرنيشنل) ويلي په پاکستان کې زده کوونکو پرضد مقدمې درج کول او عمليات کول د رایې د ازادۍ د اظهار سرغړونه ده.
اېمنسټي انټرنيشنل د عالمګير وزیر په ګډون د نيول شوؤ زده کوونکو خوشي کولو غوښتنه کړې ده.
Our complete statement 👉🏽 https://t.co/yV3ZVJjRNx #StudentsSolidarityMarch https://t.co/L13dNxEWpB
— Amnesty International South Asia (@amnestysasia) December 1, 2019
د پاکستان پيپلز ګوند مشر بلاول بهټو زرداري هم په زده کوونکو د مقدمو جوړول غندلي دي او دې کار ته يې ریاستي جبر ويلي دي.
پاکستان پیپلزپارٹی کے چیئرمین بلاول بھٹو زرداری کی طلبہ مارچ کے منتظمین کے خلاف ایف آئی آر کے اندراج کی مذمتپرامن مارچ کے طلبہ کے خلاف مقدمے کا اندراج ریاستی جبر ہے، بلاول بھٹوریاست مشال خان کے والد کو انصاف نہ دے سکی اور اب ان کے خلاف بھی مقدمہ درج کرلیا، بلاول بھٹو
— PPP (@MediaCellPPP) December 1, 2019