د امریکې د بهرنيو چارو وزير مايک پمپيو د افغانستان صدر اشرف غني او د پاکستان د پوځ د مشر جنرل قمر جاوېد باجوه سره په ټيليفون خبرې کړي او د ايراني جنرل قاسم سليماني د وژلو په اړوند يې ورسره خبرې کړي دي.
مايک پمپيو په ټويټر ويلي، "د افغانستان د صدر اشرف غني سره مې (د صدر ډانلډ ټرمپ د دفاعي پرېکړې چې قاسم سليماني وژل پکې شوی چې د امریکايانو ژوند او تاسيسات سمبال شي) په اړه خبرې وکړې. د ايراني رژيم عملیات په سیمه کې بې ثباتي جوړوي. امریکا به خپل خلک او ګټې خوندي کوي".
Spoke with Afghan President @AshrafGhani on @realDonaldTrump%27s decision to kill Qassem Soleimani to protect American lives at stake. The Iranian regime’s actions are a source of instability throughout the region. The U.S. will protect its people and its interests.
— Secretary Pompeo (@SecPompeo) January 3, 2020
د افغانستان صدارتي ماڼۍ ارګ د اشرف غني او مايک پمپيو ترمنځ د خبرو په اړوند اعلاميه کې ويلي، غواړي چې د امریکا او ايران ترمنځ تريخوالی د خبرو د لارې هوار شي.
اشرف غني په ټيليفوني خبرو کې پمپيو ته ويلي،" چې د امریکا سره یې کوم امنيتي تړون دی د هغې په بنياد به افغانستان خپله خاوره د بل کوم هېواد پرضدکارېدو ته نه پرېږدي".
مايک پمپيو ويلي د پاکستان د پوځ د مشر جنرال قمر جاوېد باجوه سره يې هم قاسم سليماني د وژلو په اړه خبرې کړي، هغه په ټويټر ويلي،
"د پاکستان د پوځ د مشر جنرال قمر جاوېد باجوه سره د امریکايي دفاعي عملياتو چې پکې قاسم سلېماني وژل شوی په اړه خبرې وکړې. د ايران رژيم په سیمه کې بې ثباتي جوړوي. امریکا به خپلې ګټې، خلک، تاسیسات او همکار خوندي کوي".
#Pakistan%27s Chief of Staff General Bajwa and I spoke today about U.S. defensive action to kill Qassem Soleimani. The #Iran regime’s actions in the region are destabilizing and our resolve in protecting American interests, personnel, facilities, and partners will not waver.
— Secretary Pompeo (@SecPompeo) January 3, 2020
د پاکستان پوځ د پمپيو او باجوه د خبرو په اړوند ویلي،
"پوځي مشر سره مايک پمپيو خبرې کړي اوپه سیمه ييز امن دواړو خبرې کړي چې پکې د منځني ختيځ د وروستي اړي ګړي د ممکنه اثراتو په اړه خبرې شامل وي،. جنرال باجوه د سولې او ثبات دپاره د تاؤتريخوالي په کمولو ټينګار کړی او ويلي يې دي چې ټول فريقېن دې د صبر نه کار واخلي او د رغونې اړیکې دې دوامداره ساتي".
COAS received telephone call from US Secretary of State Mike Pompeo. Regional situation including possible implications of recent escalation in Middle East was discussed. (1of2).
— DG ISPR (@OfficialDGISPR) January 3, 2020
د پاکستان د بهرنيو چارو دفتر هم د سلیماني د وژلو وروسته په حالاتو اندېښنه څرګنده کړې ده.
د امریکې د بهرنيو چارو وزير د افغانستان او پاکستان نه علاوه د يو شمېر نورو هېوادونو د مشرانو او استازو سره هم د قاسم سليماني د وژلو په اړوند خبرې اترې کړي دي.
امریکې د جمعې په سهار په بغداد کې په يو ډرون بريد کې د ايران د القدس ځواک مشر قاسم سليماني وژلی ؤ.
د امریکايي صدر ډانلډ ټرمپ په وېنا سليماني د زرګونو امریکايانو وژونکی او ژوبلوؤنکی ؤ.
ايران ويلي د سليماني د وژنې بدل به اخلي.