دافغانستان ولسمشر ښاغلي اشرف غني د شنبې په ماښام په المان کې د مونیخ امنیتي کنفرانس په څنډه کې د افغانستان د سولې لپاره د امریکا د بهرنیو چارو وزارت ځانګړي استازي ډاکټر زلمي خلیلزاد سره کتلي اؤ افغانستان کې دسولې په اړوند په شوؤ پرمختګونو یې ورسره خبرې اترې کړي دي.
دافغانستان دصدارتي ماڼۍ دبیان له مخې په دغه کتنه کې دواړو لوریو د افغانستان د سولې په اړه د امریکا د بهرنیو چارو او دفاع وزیرانو سره د ولسمشر اشرف غني د تېرې ورځې په کتنه کې د مطرح شویو موضوعاتو پر تعقیب ټینګار وکړو.
زلمي خلیلزاد له دغې لیدنې وروسته پخپله ټوئتر پاڼه لیکلي چې ولسمشر غني سره یې دتاؤ تریخوالي دکمیدو په فرصت موندنه اؤ افغان شموله سولې په ارزښت خبرې اترې کړي.
هغه پخپل ټوئټ کې په افغانان ټینګار کړی چې دفرصت څخه په ګټې اخستو باید د څلورو لسیزو نه د زیات وخت راهسې روانه جګړه پائ ته ورسوي.
Good to meet with Pres @AshrafGhani again today in #Munich. We spoke about the opportunity of this reduction in violence & the imperative of preparing for an inclusive #AfghanPeaceProcess. We urge all Afghans to seize the moment & end the misery of more than four decades of war. pic.twitter.com/71qy5CSSsI
— U.S. Special Representative Zalmay Khalilzad (@US4AfghanPeace) February 16, 2020
په عین حال کې افغان ولسمشر اشرف غني دمونیخ ۵۶ امنیتي کنفرانس په څنډه کې د امریکا د سنا جرګې له یو شمېر استازو سره کتلي اؤ دافغانستان په ګډون یې ورسره په یو لړ مهمو موضوعاتو خبرې کړي دي.
اشرف غني څرګنده کړه، سوله د افغان دولت او ملت لومړیتوب دی اؤ موږ باید په دقیق ډول د دغې پروسې ګواښونه وپېژنو، ترڅو له کومې سترې ننګونې سره مخ نه شو.
هغه وویل “افغانان، د افغانستان او امریکا تر منځ د اړیکو د پراختیا غوښتونکي دي او موږ د یوه شریک په توګه غواړو خپلې ستراتېژیکې اړیکې مخته یوسو او نه غواړو د اوږو بار واوسو”
دافغانستان د صدارتي ماڼۍ بیان وایي په دغه کتنه کې امرالله صالح هم د طالبانو له لوري د افغانستان ملي امنیت ته د موجوده متوجه ګواښونو په اړه خپله ارزونه تشریح کړه او د طالبانو د ظرفیت او دا چې دوی څنګه او په کومو امکاناتو او بهرنۍ رهبرۍ دغه جګړه د افغانانو پر ضد مخته وړي، جذئیات وړاندې کړل.
دامریکایي چارواکو سره ولسمشر غني دا لیدنې په داسې حال کې کړي چې دوه ورځې دمخه امریکا پخلی کړی چې طالبانو سره یې جګړه کې یوې اوونۍ دپاره دنرمښت راوستلو تړون کړی.
دامریکې ددفاع وزیر مائیک ایسپر اوړمه ورځ خبریالانو ته ویلي وؤ افغان جګړه کې دا نرمښت دسیاسي جوړجاړي اساس جوړیدای شي.
مارک اېسپر ویلي افغان ولسمشر اشرف غني د هرڅه نه خبر ساتل شوی او غواړي چې د سولې د عمل مشري وکړي. خو اېسوسي اېټډ پرېس خبري ادارې لیکلي په افغانستان کې سیاسي مشران غواړي د طالبانو سره بین الافغاني خبرو اترو لپاره یوه باشموله ډله جوړه شي.