د پاکستان وزیراعظم عمران خان د کرونا وايرس پرضد د ټائيګر فورس اعلان کړی، خو د نوموړي دغه اعلان ته په ټولنيزو رسنیو غبرګون ويل شوی، چې د کرونا وايرس پرضد مبارزې دپاره د ټائيګر فورس نه بلکې د طبي اوزارو او عملې د ستانې ضرورت دی.
عمران خان تېر ماښام په ټیلي ويژن قام ته په وېنا کې يو ځل بیا د لاک ډاؤن يا ټولبنديز مخالفت کړی خو ويلي يې دي ټائيګر فورس به جوړوي او هغه به د کرونا وايرس د مخنیوي په لړ کې د پوځ او غېر پوځي ادارو سره مرسته کوي او بې روزګاره خلکو ته به ډوډۍ رسوي.
خو د سند صوبې حکومتي وياند مرتضی وهاب په عمران خان نيوکې کړي چې د کرونا وايرس د مخنيوي دپاره يې خپل هيڅ پلان وړاندې نه کړو.
"وزيراعظم بايد قوم خبر کړی وی چې د کرونا وايرس په اړه څه پلان لري. خو د بده مرغه داسې يې هيڅ ونه ويل. د کرونا ټائيګر نه سېوا ملک وينټيلېټرو او طبي عملې ساتنې ته اړتيا لري".
PM should have informed the nation about how he plans to control #COVIDー19. Unfortunately, there was no mention of any such thing. More than corona tigers, our country needs vents & protective gear for medical staff
— SenatorMurtaza Wahab (@murtazawahab1) March 30, 2020
پاکستان کې د کرونا وايرس لمړۍ پېښه په سند صوبه کې مخې ته راغلې او په دې صوبه کې تر ټولو اول ټولبنديز په ځای کړی شوی دی.
د سند صوبې وزيراعلی مرادعلي شاه ويلي که ټولبنديز مخکې شوی وی ښايي دومره ډېر خلک به د کرونا وايرس څخه نه ؤ اغېزمن شوي.
د عمران خان د ټائيګر فورس ته اعلان په سوشل ميډيا غبرګون ويل شوی دا خلک به تربيه نه وي او دوی به په خپله د کرونا وايرس ښکار شي.
ژورنالسټ مرتضی سولنګي ويلي،
"څوک رضا کار به ځي چې هغه تربيه شوي نه وي، غېر محفوظ ځوانان زامن او لوڼه چې هغه په خپله د کرونا ښکار شي؟ ايا عمران خان به (خپل زامن) قاسم او سلېمان د ټائيګر فورس مشران کړي؟".
Who is going to volunteer the untrained, unprotected young sons and daughters to become victims of Corona? Will Imran Khan call Qasim and Suleman to lead his Tiger force?
— Murtaza Solangi (@murtazasolangi) March 30, 2020
د قامي وطن پارټۍ مشر افتاب خان شېرپاؤ ويلي،
"د ټائيګر فورس د لارې د خلکو مرستې بايد سياسي نه شي، او په ضرورتمندو خلکو دې څیزونه د ضلعي انتظاميو د لارې وويشل شي".
Relief aid should not be politicised by creating a tiger force but distributed to the needy in a transparent manner through the district administration#CoronaInPakistan #Tigerforce pic.twitter.com/jV0OH8MXBO
— Aftab Khan Sherpao (@AftabSherpao) March 30, 2020
عمران خان په خپله وېنا کې دا هم ويلي چې د کرونا وایرس د مخنيوي دپاره يې اته اربه ډالره پېکج اعلان کړی او دوی د کرونا وايرس پرضد وسايل نه لري يواځې د ايمان او ځوانانو قوت ورسره دی.
هغه وويل د کرونا وایرس د مخنیوي دپاره يو فنډ جوړوي او چې څوک پکې څومره پېسې اچول غواړي د هغه نه پوښتنه نه شي کولی.