د خېبرپښتونخوا د صوابۍ سيمې سره تعلق لرونکی اسد قېصر هم په کرونا وايرس اخته شوی دی، نوموړي په خپله د دغه خبر پخلی کړی دی.
اسد قېصر په ټويټر ويلي،
"زما د کرونا وايرس ټېسټ مثبت راغلی دی. ما ځان په کور کې قرنطين کړی دی. زما ټول قوم ته خواست دی چې احتياط کوي. د دعا خواست دی".
میرا کورونا وائرس کا ٹیسٹ مثبت آیا ہے۔ میں نے خود کو اپنے گھر میں قرنطینہ کر لیا ہے۔ میری پوری قوم سے درخواست ہے کہ وہ احتیاط کریں۔دعا کی درخواست ہے۔
— Asad Qaiser (@AsadQaiserPTI) April 30, 2020
د پاکستان شخصي ټيلي ويژن جيو ويلي د اسد قېصر زوی او لور هم د کرونا په وايرس اخته شوي دي.
په پاکستان کې له دې وړاندې څو نور سياستوال هم په کرونا وايرس اخته شوي دي.
د ګل/ دوشنبې په ورځ د پاکستان تحریک انصاف ګوند سره تعلق لرونکی د سند صوبې ګورنر عمران اسماعیل هم په کرونا وايرس اخته شوی ؤ.
له دغې دوه ورځې وړاندې وړاندې د متحده مجلس عمل سره تعلق لرونکي د صوبايي اسمبلۍ ممبر عبدالرشيد هم ويلي ؤ په هغه کې د کرونا وايرس پخلی شوی دی.
د سند صوبې د تعليم په وزیر سعيدغني کې هم د کرونا وايرس مالوم شوي، خو هغه ترې اوس صحتمند شوی دی.