په کراچۍ کې د جمعې په ورځ په غورځېدلې الوتکه کې په سورو ۹۹ کسانو کې ۹۷ مړه شوي او دوه ژوبل شوي دي.
د سند صوبې محکمه صحت ويلي، په الوتکه کې ۹۹ کسان سواره وو.
د صحت محکمې ويلي په مړه شوؤ کې ۶۶ جسدونه جناح او ۳۱ سېول روغتون ته وړل شوي دي.
ويل شوي په مړه شوؤ کې د ۱۹ پېژندګلو هم شوې ده.
Final #PlaneCrash update for today:Total people on board: 99Total deaths: 97Survivors: 0266 dead bodies were brought to JPMC and 31 were brought to CHK. 19 bodies have been identified so far.
— Health and Population Welfare Department, Sindh (@SindhHealthDpt) May 23, 2020
په کراچۍ کې پرون د جمعې په ورځ د ماسپښين نه وروسته د پاکستان انټرنيشنل ائيرلاين (پي ايي ای) د مسافرو الوتکه غورځېدلې وه.
دغه الوتکه د لاهور نه کراچۍ ته روانه وه چې د کوزېدو نه لږه شېبه وړاندې غورځېدلې وه.
دغه الوتکه د کراچۍ د نړیوالې هوايي اډې سره په جوخته پرته علاقه ماډل کالونۍ کې ګوزاره شوې وه.
د پاکستان پوځ د الوتکې غورځېدو په ځای د ژغورنې د عملياتو په خبر کې هم په پېښه کې د ۹۷ مړو او دوه ژوبلو ويلي دي.
پوځ ویلي ۲۵ اغېزمنه شوي کورونه یې پاک کړي او د غېر پوځي انتظاميې په مرسته يې د دغو کورونو اغېزمن يې نورو ځايونو ته منتقل کړي دي.
Update #PIA Incident:Rescue Op in progress by Army Search & Rescue Team, Army troops, Rangers & social welfare orgs. 97 bodies recovered. 2 passengers survived. 25 affected houses cleared, their residents accommodated at various places with assistance of Civil Administration.
— DG ISPR (@OfficialDGISPR) May 23, 2020
د پي ايي ای مشر ارشد ملک ويلي د الوتکې د غورځېدو به سوتره پلټنې کولی شي.
هغه تېر ماسخوتن په کراچۍ کې خبريالانو سره په خبرو کې وویل، دغه الوتکه چې غورځېدلې په تکنيکي توګه په بشپړ ډول خوندي يا محفوظه وه.
هغه ويلي د الوتکې کوزولو دپاره پايلټ کنټرول ټاور خبر کړی او هغه ته د الوتکې کوزولو ويل شوي خو هوايي اډې ته په رسېدو الوتکه بيا چاپېره چورلېدلې ده.
هغه ويلي په دې وخت کې څه شوي دي؟ دا به په الوتکه کې د ريکارډ شوؤ خبرو څخه مالومه شي.
مرکزي حکومت د الوتکې غورځېدو د پېښې د پلټنو دپاره څلور کسيزه کميټي جوړه کړې ده.
کمېټۍ ته لار ښوونه شوې چې زر تر زره خپلې پلټنې پوره کړي او رپوټ جمع کړي.
د امریکې د بهرنيو چارو وزير مایک پمپيو په کراچۍ کې د الوتکې په غورځېدو د خفګان څرګندونه کړې په پېښه کې د مړو او ژوبلو دپاره يې دعا کړې او ويلي يې دي امریکا په دې سخت وخت کې د پاکستان سره ولاړه ده.
Shocked and saddened to hear of the plane crash today in Karachi. My prayers go out to those killed and injured, and their families. The U.S. stands with Pakistan during this difficult time.
— Secretary Pompeo (@SecPompeo) May 22, 2020
افغان ولسمشر اشرف غني هم د پي ايي ای الوتکې په غورځېدو د پاکستان د اولس او حکومت سره غم شريکي کړې ده.
My heart goes out to the families of victims who lost their lives in the PIA plane crash in Karachi. I offer my sincere commiserations to the people and the government of Pakistan. Afghans stand with you in this moment of grief.
— Ashraf Ghani (@ashrafghani) May 22, 2020
د پاکستان وزيراعظم عمران خان د نړيوالو مشرانو مننه کړې چې تعزيت يې ورسره کړی دی.
المناک فضائی حادثے میں قیمتی جانوں کے ضیاع پر تعزیتی پیغامات بھجوانے پر میں عالمی رہنماؤں کا شکرگزار ہوں۔ سوگ کے ان لمحات میں ڈھارس بندھانے اور اظہارِ یکجہتی کو پاکستان کی عوام نہایت قدر کی نگاہ سے دیکھتی ہے۔
— Imran Khan (@ImranKhanPTI) May 22, 2020