د افغانستان د سولې د خبرو دپاره د امریکا ځانګړي استازي زلمي خليلزاد په سمنګان کې د افغان استخباراتي ادارې (اېن ډي اېس) په مرکز د شوي بريد غندنه کړې چې دا قبلولو وړ نه دی او دا عمل به هغه خلک پياوړي کړي چې د امن مخالفه دي او د سولې خرابوؤنکو په لاسو کې لوبيږی.
We condemn today%27s attack. The use of major explosives to detonate a vehicle in a provincial capital is unacceptable and will strengthen those who oppose peace and plays into the hands of spoilers. All sides must reduce violence.
— U.S. Special Representative Zalmay Khalilzad (@US4AfghanPeace) July 14, 2020
د افغانستان په سمنګان صوبه کې پرون د ګل/ دوشنبې په ورځ طالبانو د افغانستان د استخباراتي ادارې په مرکز موټري ځانمرګی بريد کړی چې پکې 11 تنه وژل شوي او 63 نور ژوبل شوي دي.
خليلزاد په ټولو فريقېنو د تشدد کمولو غږ کړی او ويلي يې دي په افغانستان کې په وروستیو ورځو او اوونيو کې د تشدد پېښې سېوا شوي او افغانان پکې بې د څه وجې په لويه شمېره کې وژل کیږي.
And violence has been high, especially in recent days & weeks. Afghans continue to die in large numbers for no reason. The Taliban%27s attack today in a provincial capital contradicts their commitment to reduce violence until a permanent ceasefire is reached in intra-Afghan talks.
— U.S. Special Representative Zalmay Khalilzad (@US4AfghanPeace) July 14, 2020
هغه زياته کړې د صوبې په مرکز کې د طالبانو دا بريد د هغه ژمنې پرضد دی کوم چې د تشدد کمولو او مستقل اوربند سره د بېن الافغاني خبرو دپاره شوې وه.
زلمي خليلزاد ویلي د سولې د خبرو د تړون 135 ورځې وشوې امريکا د طالبانو سره په کړې توافقنامه عمل کوي، امریکې د توافقنامې لاندې د لمړي پړاؤ پوره کولو په لړ کې خپلې ژمنې سر ته کړي خپل ځواک يې کم کړی، پينځه مرکزونه يې پرېښودي، نېټو ځواکونو خپله شمېره کمه کړې په دې لړ کې ډېر پرمختګ شوی که څه هم د بنديوانو خوشي کولو په لړ کې دا پرمختګ په قلاره شوی دی.
هغه زیاته کړې چې د افغان حکومت او طالبانو ترمنځ د بېن الافغاني خبرو دپاره په لاجسټکي توګه پرمختګ شوی دی.
هغه ويلي د طالبانو په تشدد کې کوم امریکني ژوند د لاسه نه دی ورکړی او سيمه ييز اړيکې ښې شوي دي خو د ترهګرۍ ضد مبارزې دپاره د نور پرمختګ ضرورت دی.
خليلزاد ويلي د تړون لاندې د بل پړاؤ عملي کول به د شرطونو په اساس وي، د بنديوانو په خوشي کولو، تشدد کمولو، د ترهګرۍ ضد مبارزې دپاره چې کومې ژمنې شوې د هغې پوره کېدل، او بېن الافغاني خبرو پېلېدل او په هغې کې په پرمختګ به ټینګار کوي.