په پاکستان کې د مالياتي او کاروباري ادارو د څار ادارې (پاکستان سيکيورټي اېنډ اېکسچېنج کمېشن اف پاکستان/ اېس اي سي پي) مرستیال ډائريکټر او پخوانی ژورنالسټ ساجد ګوندل د زيارت/ پنجنشپې په ماښام د اسلام اباد څخه بې درکه شوی دی.
اېمنسټي انټرنېشنل او په پاکستان کې سياستوالو د ګوندل د مالومولو غوښتنه کړې ده.
Pakistan: Sajid Gondal, a former journalist and an official with the SECP, is missing and feared to have been disappeared. We call upon the authorities to establish his whereabouts immediately. #BringBackSajidGondal
— Amnesty International South Asia (@amnestysasia) September 4, 2020
د ساجد ګوندل ښځې وي او ای ته ويلي خاوند به یې هره ورځ ماښام په اووه بجې کور ته راتلو خو د زيارت په ماښام نه دی راغلی.
هغې ويلي د جمعې په ورځ سهار يې بيا پوليس خبر کړي او پوليسو ويلي د هغه ګاډی یې د شهزاد ټاؤن علاقې څخه ترلاسه کړی دی.
سیاستوال افراسياب خټک وايي د ساجد ګوندل د بې درکۍ پېښه هغې پېښې ته ورته ښکاري لکه څو ورځې وړاندې چې د اسلام اباد نه ژورنالسټ مطيع الله جان اغوا کړی شوی ؤ.
وي او ای ډیوه سره په خبرو کې خټک وويل د اندېښنې وړ خبره دا ده چې ساجد ګوندل د پاکستان د پلازمینې اسلام اباد څخه بې درکه کړی شوی دی.
هغه وايي چې په اسلام اباد کې داسې حالات وي بيا څوک د چترال، بدين او تربت خبره څه وکړي.
د اسلام اباد پوليسو ويلي د پېښې پلټنې يې پېل کړي دي.
د پاکستان د بشري حقونو وزيرې شيرین مزاري په خپله د ساجد ګوندل په بې درکۍ اندېښنه څرګنده کړې او ويلي يې دا زمونږ د حکومت فرض دي چې هغه زر تر زره مالوم کړو.
هغې ويلي پوليس ته یې د پېښې د مقدمې درج کولو ويلي او د هر وګړي ساتنه زمونږ ائيني زمه واري ده.
Disappearance of Sajid Gondal is of concern & we as govt have a duty to ensure his early recovery. Police has been directed to register an FIR. Protection of each citizen%27s life is our constitutional obligation. Rule of law must prevail - all must be dealt with acc to the law.
— Shireen Mazari (@ShireenMazari1) September 4, 2020
په ټولنيزو رسنیو د ساجد ګوندل بې درکي د وزیراعظم عمران خان د سلاکار او سي پېک اتهارټۍ د مشر ريټايرډ لفټننټ جنرل عاصم سليم باجوه او د هغه د کورنۍ د شتمنيو د رپورټ سره تړل کيږي کوم کوم رپوټ چې څو ورځې وړاندې ژورنالسټ احمد نوراني خپور کړی ؤ.
فرحت الله بابر په ټویټر ویلي،
داسې خيال وده مومي چې د ساجد ګوندل تښتول/ اغوا کول د لفټننټ جنرل عاصم باجوه د رپوټ سره تړاؤ لري.
Kidnapped SECP official Sajid Gondal must be recovered immediately. Perception growing that kidnapping linked to report about Lt Gen Asim Bajwa. Far from damage control, angry knee jerk response has done incalculable damage. It lends credence to the report#BringBackSajidGondal
— Farhatullah Babar (@FarhatullahB) September 4, 2020
ځينې کسان بيا وايي چې احمد نوراني ته د عاصم باجوه او د هغه د کورنۍ د شتمنيو په اړه مالومات د اېس اي سي پي څخه ترلاسه شوي ؤ.
خو د ګوندل ښځې ویلي هغه دغه اوازې ردوي چې د هغې د خاوند بې درکي د يو ياد شخصيت په اړه د اسنادو ښکاره کولو سره تړل کيږي.
پاکستاني خبريال احمد نوراني په فيکټ فوکس نومى ويب پاڼه خپور شوي رپورټ کى دعوه کړې چې عاصم سليم باجوه او خاندان يې د امريکا په شمول په يو شمېر نورو هيوادونو کى د اربونو روپو ملکيت جايدادونه او سرمایه کاري لري.
عاصم باجوه دغه رپورټ رد کړی او د خپلې کورنۍ پرضد يې پروپېګنډه بللې وه.
نوموړي د رپوټ وروسته د وزیراعظم د اطلاعاتو د ځانګړي سلاکار د څوکۍ څخه د استعفا ورکولو ويلي خو وزیراعظم عمران خان د هغه استعفا نه ده قبوله کړې او ويلي يې دي د عاصم سليم باجوه د ثبوتونو څخه مطمئن دی ځکه باجوه ته يې د ځانګړي مرستيال په توګه د کار دوامداره ساتلو لار ښوونه کړې ده.