د افغانستان د ختيځ ولايت/صوبې ننګرهار په مرکز جلال اباد کې د نن د زیارت/ پنجشبنې په سهار په يو وسله وال بريد کې د انعکاس رېډيو او ټي وي خبرياله ملالۍ میوند سره د ډرائيوره وژل شوې ده.
افغان ميډيا د ننګرهار د والي د وياند عطاالله خوګياڼي څخه تاييد کړې چې ملالۍ ميوند نن سهار اووه بجې د دفتر په لاره روانه وه چې وسله وال بريد پرې شوی او هغه پکې د ډرائيوره سره وژل شوې ده.
خوګياني ويلي ملالۍ په ننګرهار کې د خبريالې سره فعاله هم وه.
انعکاس رېډيو په خپله ټويټر پاڼه هم دغه پېښه تاييد کړې ده.
نن سهار شاوخوا ۷ بجې د جلال اباد ښار اړوند ګولایي عربانو سیمه کې د انعکاس راډیو تلوېزیون پر ویاندې ملالۍ میوند او موټر چلوونکی محمد طاهر باندې وسله وال برید شوی او دواړه وژل شوي دي. pic.twitter.com/ddgVHP6ZgF
— Enikass Radio (@Enikassradio) December 10, 2020
په سمدستي توګه د بريد زمه واري چا نه ده منلې.
د ملالۍ ميوند په وژنه په ټولنيزو رسنيو د خفګان څرګندونه شوې ده.
کبیر حقمل په ټويټر ويلي، په افغانستان کې د خبریالانو پرضد ظلم او تشدد دوام لري. او نن سهار يې هغه ووژله.
Atrocity continues against #journalists in #Afghanistan by the terrorist groups. They killed Malala Maiwand a reporter and anchor of Inekas TV in #Nangarhar today morning. Saddened by the incident and RIP Malala. pic.twitter.com/iaAUBQbEdb
— Kabir Haqmal (@Haqmal) December 10, 2020
په پېښور کې جرنالسټ عقيل يوسفزي هم د ملالۍ ميوند په مړينه د خفګان څرګندونه کړې ده.
RIP Malalai Maiwand.Shoking News for Everyone. pic.twitter.com/h1zyuBNufR
— Aqeel Yousafzai (@yousafzai_aqeel) December 10, 2020
د ملالۍ میوند د پېښې وړاندې د نومبر په 12م د افغانستان په هملند ولايت کې د ازادۍ رېډيو خبريال الياس داعي په مقناطيسي ماين چاؤدنه کې وژل شوی ؤ.
او له دغې وړاندې په اووم نومبر په کابل کې د طلوع نيوز پخوانی خبريال يما سياوش او د هغه سره دوه نور کسان په مقناطيسي ماين چاؤدنه کې وژل شوي وو.