په ميانمار کې د پوځي کودتا پرضد مظاهره چيانو باندې د امنیتي ځواکونو په ډزو کې 18 تنه وژل شوي او د 30 نه زيات نور ژوبل شوي دي، په میانمار کې د پوځي کودتا پرضد مظاهرو په مهال دا په يوه ورځ کې تر ټولو زيات مظاهره چيان وژل شوي دي.
ملګرو ملتونو په 28 فرورۍ ویلي، نن په میانمار کې لږ تر لږه 18 تنه وژل شوي او 30 نور ژوبل شوي دي.
ملګرو ملتونو په ميانمار کې په مظاهره چیانو د تشدد غندنه کړې او په پوځ يې غږ کړی د پرامنه مظاهره چيانو پرضد دې زور نه کاروي.
At least 18 people were killed & 30 wounded in #Myanmar today. “We strongly condemn the escalating violence against protests in Myanmar & call on the military to immediately halt the use of force against peaceful protestors," says spox Ravina Shamdasani 👉https://t.co/nqhVYtXZfv pic.twitter.com/sAvKPwR4F7
— UN Human Rights Asia (@OHCHRAsia) February 28, 2021
د ملګرو ملتونو د بشري حقونو د اسيا څانګې د دفتر وياند روينه شمداساني ویلي، پوځ او پوليس د ملک په بېلابيلو برخو کې مظاهره چيانو ته مخامخ شوي دي.
د امریکې د بهرنیو چارو وزير انتوني بلينکن په ټويټر ویلي،
"مونږ د برما د ځواکونو لخوا د برما په خلکو د تشدد غندنه کوو او په دغو پېښو کې د ککړو سره به حساب کوو. مونږ د برما د خلکو سره ولاړ يو او هغو هېوادونو ته ډاډ ورکوو چې د برما د خلکو د خوښې ملاتړ کوي".
We condemn the Burmese security forces’ abhorrent violence against the people of Burma & will continue to promote accountability for those responsible. We stand firmly with the courageous people of Burma & encourage all countries to speak with one voice in support of their will.
— Secretary Antony Blinken (@SecBlinken) February 28, 2021
د فرورۍ په لمړۍ نېټه په میانمار کې د پوځ لخوا واک اختیار قبضه کولو او په انتخاباتو کې د ټاکل شوي مشرې آنګ سانګ سوچي او د هغې د ګوند د نورو تنانو د نیولو وروسته سخت اړی ګړی روان دی.
د برما پوځ په آنګ سانګ سوچي او د هغې په ګوند تور لګولی چې په نومبر کې شوي انتخاباتو کې یې درغلي کړې ده.
میانمار چرته چې ۵۰ کاله پوځي حکومتونه تیر شوي او اوس اوس جمهوري نظام پېل شوی، دې تازه کودیتا دغه جمهوري نظام ودرولی چې پرضد یې په سلګونو زره خلکو مظاهرې پېل کړي او ګڼو غربي هیوادونو د دغې کودتا غندنه کړې ده.