په پاکستان د مياشتې ليدو دپاره جوړې سرکاري کمېټۍ (رويت هلال کمېټۍ) مشر مولانا عبدالخبير ازاد ويلي د ټولو مکاتب فکر علماوو سره په رابطه کې دی او هڅه کوي چې دې ځل له وړوکی اختر په ټول ملک کې په يوه ورځ وشي.
راپورونه وايي مولانا عبدالخبير ازاد دا خبره په داسې حال کې کړې چې ځايي ميډيا وايي د کمېټۍ ځيني غړو د اطلاعاتو مرکزي وزير فواد چودري د ټويټر په بيان د خفګان څرګندونه کړې ده.
چودري په نهمه مې په ټويټر ليکلي وو د اختر ختمي اعلان به رويت هلال کميټي کوي خو د ساينس او ټېکنالوجۍ وزارت چې کوم کلېنډر او رويت دپاره اېپ جوړ کړی دی د هغې تر مخه د وړوکي اختر مياشت به په 13 مې ليدل کيږي او وړوکی اختر به په 14 مې وي.
اگرچہ عید کا حتمی اعلان رویت ھلال کمیٹی نے کرنا ہے لیکن @MinistryofST کے بنائے گئے کیلنڈر اور Ruet App (رویت) کے مطابق چاند 13 مئ کو نظر آ پائے گا اور عید 14 مئ کو ہو گی۔
— Ch Fawad Hussain (@fawadchaudhry) May 9, 2021
په پاکستان کې روان کال روژه په يوه ورځ نيول شوې وه مولانه عبدالخبير ازاد ويلي په پېښور کې د قاسم علي خان جماعت د مشرانو سره هم تماس کوي چې په شريکه اعلان وکړي او اختر په يوه ورځ وشي.
ازاد ويلي په 12 مې د شورو/ چهارشبې په ورځ يې په اسلام اباد کې د رویت هلال کمېټۍ غونډه رابللې او د مياشتې ليدو ته به کښېني.
خو ډان ورځ پاڼې ويلي د قاسم علي خان جماعت مشرانو ورته ځواب کړی چې دوی به په خپل حساب د مياشتې ليدو د پاره کښېني.
جرنلېسټ افتخار فردوس ویلي مفتي شهاب الدين پوپلزي هم د شورو په ورځ په قاسم علي خان جومات کې د میاشتې ليدو دپاره غونډه رابللې ده.
Mufti Shahabudin Popalzai has called a meeting of the local moon sighting committee in Peshawar on Wednesday at Qasim Ali Khan Mosque to announce the would be Eid. Let that sink in.
— Iftikhar Firdous (@IftikharFirdous) May 10, 2021
د مفتي شهاب الدين پوپلزي په مشرۍ د پېښور په مسجد قاسم علي خان کې کال په کال د روژې او اختر مياشتې ليدو د پاره په غېر حکومتي کچه غونډه راجوړيږي او مفتي شهاب الدين پوپلزی بيا د عوه کوي چې د خېبر پښتونخوا او قبايلي ضلعو څخه ورته کره شهادتونه ترلاسه شي او د هغې په بنياد د روژې او اختر اعلان کوي چې اکثر له يې د روژې او اختر اعلان د پاکستان د سرکاري کمېټۍ روېت هلال کمېټۍ نه يو ورځ وړاندې وي.