د خېبرپښتونخوا د بنو د جاني خېلو د يو قومي مشر ملک نصیب خان مړی وروسته له هغې خاورو ته سپارل شوی چې دغه قوم د وژل شوي مشر دپاره د انصاف او په علاقه کې د امنيت په ځای کولو دپاره 28 ورځې احتجاجي پرلت کړی دی.
د جاني خېلو پرلت وروسته له هغې ختم کړی شوی چې د وزير قوم دوه قبيلو اتمانزو او احمدزو د حکومت او جاني خېلو ترمنځ خبرې کړي دي.
د خېبرپښتونخوا حکومت د جاني خېلو سره د خبرو کامیابېدو ويلي دي.
د جاني خېلو د پرلت يو غړي لطيف وزيري وي او اې ډيوه سره په خبرو کې وويل تيره شپه د ملک نصيب خان مړی خاورو ته سپارل شوی دی.
هغه وویل دوی پرلت وروسته له هغې ختم کړو چې ځايي جرګې دوی ته باور ورکړو چې د حکومت سره به د امنیت په ځای کولو، بې درکه کسانو مالومولو، د څلورو تنکیو هلکانو او ملک نصيب د وژلو پلټنې کوي.
هغه وویل علاقايي د اتمانزو او احمدزو جرګې ورته باور ورکړی چې په يوه میاشت کې به يې په غوښتنو عمل شورو شي.
د اتمانزو او احمدزو د جرګې يو غړي ملک نور خان ويلي، د بنو د مرستیال کمشنر په اعلاميه کې دوی ته واک ورکړی شوی چې د جاني خېلو سره خبرې وکړي.
وي او اې ډیوه سره په خبرو کې هغه وویل يوه اوونۍ وروسته به د جاني خېلو سره رسمي خبرې پېل شي د دوی او وزیراعلا ترمنځ د تنکیو هلکانو د پېښې په وخت د پرلت په مهال په شوې لوظنامه او تازه ژمنو عملي کېدو باندې خبرې او ګامونه پورته کولی شي.
د خېبرپښتونخوا د وزیراعلا د اطلاعاتو مشاور کامران بنګش په ټویټر ویلي، د اولس، صوبايي حکومت او خپل وزيراعلا محمود خان په هڅو د جاني خېلو د پرلت کوونکو سره خبرې کاميابې شوې، اووه کسيزه غټه جرګه جوړه شوه د دې دپاره چې زمونږ او د خپلو خلکو ټولې غوښتنې او مسلې په وخت هوارې شي.
عوام، صوبائی حکومت اور خپل وزیراعلی محمود خان کی کاوشوں سے جانی خیل دھرنا شرکاء سے مذاکرات کامیاب ہوگئے۔ سات رکنی گرینڈ جرگہ قائم ہوگیا تاکہ ہمارے اپنے لوگوں کے تمام مطالبات اور مسائل بروقت حل ہوں۔ آج امن پھر سے جیت گیا، شرپسند عناصر کو ایک دفعہ پھر شکست ہوئی۔
— Kamran Bangash 🇵🇰 (@kamrankbangash) June 27, 2021
د پښتون ژغورنې غورځنګ مشر منظور پشتين جاني خېلو ته افرين ویلي چې مزاحمت يې کړی او زياته کړې يې ده چې په ولسونو کې د مزاحمت ماده د غلامۍ نه د خلاصون سبب جوړيږي.