امریکې د کرونا ضد مبارزې او دوستۍ کې پاکستان ته د موډرنا دوه اعشاریه پينځه ملینه يا 25 لکه ويکسين ورکړي دي.
د امریکې د بهرنيو چارو وزیر انتوني بلينکن دغه خبره په ټویټر کړې ده.
هغه ويلي د ویکسينو ورکولو د لارې امریکا د پاکستان سره دوستي ښکاره کول او د کرونا ضد مرسته کول غواړي.
نوموړي ویلي، امریکا ژمنه ده چې د نړۍ نه د کرونا دا وبا ختمه شي.
The United States%27 delivery of 2.5M doses of the Moderna vaccine to Pakistan highlights our enduring friendship and cooperation on COVID-19. We are committed to bringing this pandemic to an end around the world. pic.twitter.com/adqb60D7DQ
— Secretary Antony Blinken (@SecBlinken) July 2, 2021
په قومي کچه د صحت په چارو کې د پاکستان د وزيراعظم ځانګړي مرستیال فېصل سلطان د امریکا څخه د ويکسينو راتلو هرکلی کړی دی، او ويلي يې دي دا د دواړو هېوادونو د دوستۍ څرګندونه کوي.
د پاکستان د پلاننګ او پرمختيا وزیر اسد عمر چې د کرونا د څار دپاره جوړې قومي کمېټۍ مشري کوي هغه هم د امریکا د مرستو سره د صدر جوبايډن د کرونا په لړ کې پاليسي ستايلې ده.
Recieved 2.5 million doses of moderna sent by US govt. This will particularly those those who have to travel for work or study to countries which are only accepting certain vaccines . @POTUS @JoeBiden progressive policy on covid is much appreciated @SecBlinken
— Asad Umar (@Asad_Umar) July 3, 2021
په اسلام اباد کې د امریکا سفارتخانې ويلي دغه 25 لکه ويکسين د جمعې په ورځ (2 جولايي) اسلام اباد ته رسېدلي دي.
سفارتخانې په بیان کې ويلي دغه ويکسين د امریکا لخوا په نړۍ کې د اته کروړه ويکسينو وېشلو برخه ده، چې هدف يې د کرونا وبا مخه نيول او په نړيواله کچه د برابرۍ په اساس خوندي او موثره ویکسينو ته د اولس رسایي ممکن کول دي.
ويل شوي څنګه چې صدر جوبايډن ويلي هغه په نړۍ کې هم د کرونا ويکسينو دپاره دومره ژمن يا عزم لري څنګه يې چې په امریکا کې دی.
په پاکستان کې د امريکا د سفارتخانې ناظم الامور اينجيلا پي ايګلر ويلي، امریکا په پاکستان کې د ويکسينو په وېشلو خوشاله ده او د دغه لارې به په پاکستان کې د خلکو ځانونه محفوظ شي.
د سفارتخانې د بيان ترمخه امریکا د دغو ويکسينو نه علاوه پاکستان ته پينځه کروړه ډالره مرستې هم ورکړي، او د مې په میاشت کې يې پاکستان ته د اسټرازينکا 12 لکه ويکسين هم ورکړي وو.
امریکې پاکستان ته دا تازه ویکسين په داسې حال کې ورکړي چې په پاکستان کې د کرونا څخه تراوسه پورې 22زره 379 کسان مړه شوي دي.
د سرکاري شمېرو ترمخه په ملک کې د کرونا ضد ويکسينو لګولو عمل روان دی او تراوسه پورې په ملک کې د 32 لکه نه زياتو کسانو ته د ويکسينو دوه ډوزه او د يو د کروړ35لکه نه زیاتو کسانو ته يو ډوز لګول شوی دی.