د پاکستان سره په پوله د افغانستان د کندهار ولايت په سپين بولدک ولسوالۍ/ ضلع کې د افغان ځواکونو او طالبانو ترمنځ نښته کې د رويټرز خبريال وژل شوی دی.
رويټرز خبري ادارې د افغان کمانډر د قوله ویلي، د رويټرز خبريال دانش صديقي نن د جمعې په ورځ (16 جولايۍ) د پاکستان سره پولې ته نزدې د افغان ځواکونو او طالبانو ترمنځ د نښتې کورېج کولو او په دغه مهال وژل شوی دی.
د خبريال د وژنې په اړه یو لوړ پوړي چارواکي د نوم نه ښودلو په شرط وي او اې ته ويلي چې دانش صديقي د تيرې اوونۍ راهسې د افغان ځانګړو ځواکونو سره د کندهار په بېلابيلو برخو کې د جګړې په لومړو کرښو کې وو او رپورټونه یې جوړول.
چارواکي ويلي دانش نن سهار سپين بولدک ته د خبريال دندې تر سره کولو يا کورېج له تللی وو.
د رويټرز صدر مايکل فريډنبرګ او چيف ايډيټر اليسينډا ګېلون ویلي، دوی په دغه اړه نور مالومات راټولوي او په سيمه کې د چارواکو سره په کار کوي.
د رويټرز په بيان کې ويل شوي، "دانش يو وتلی خبريال ، مينه ناک خاوند او پلار او تکړه همکار وو. په دې سخت وخت کې مونږ د هغه د کورنۍ سره يو".
خبري ادارې د افغان چارواکي له قوله ویلي، صديقي د دوکاندار سره خبرې کولې چې طالبانو پرې برید کړی دی.
ویل شوي صديقي د کال 2010 نه د رویټرز سره وو، او هغه د ډلې برخه وو چې د روهنګيا په بحران يې فلم جوړ کړ ی او د 2018 پلټزر انعام يې ګټلی وو.
صدیقي په وروستيو کې په خپل ټویټر په افغانستان کې د افغان ځواکونو او طالبانو د نښتو او کورېځ ځينې عکسونه خپاره کړي او پوسټونه یې کړي وو.
The attack continued as Afghan Special Forces retreated after successfully carrying out the extraction. Caught in the middle of this ambush were several Afghans who were trapped while one of them was this boy. pic.twitter.com/rBm60wSUSV
— Danish Siddiqui (@dansiddiqui) July 13, 2021
په هند کې د افغانستان سفير د دانش صدیقي په وژنه د خفګان څرګندونه کړې ده.
Deeply disturbed by the sad news of the killing of a friend, Danish Seddiqi in Kandahar last night. The Indian Journalist & winner of Pulitzer Prize was embedded with Afghan security forces. I met him 2 weeks ago before his departure to Kabul. Condolences to his family & Reuters. pic.twitter.com/sGlsKHHein
— Farid Mamundzay फरीद मामुन्दजई فرید ماموندزی (@FMamundzay) July 16, 2021
د هند د انډيا ټوډی خبري ادارې ترمخه د دانش صديقي تعلق چې د هند سره وو، هغه اول د ټيلي ويژن د خبريال په توګه صحافت پېل کړی او فوټو جرنلسټ جوړ شوی وو.
د رویټرز د خبريال د وژنې پېښه په داسې حال کې شوې چې د نهې/ سه شنبې د ورځې نه په سپين بولدک کې د افغان ځواکونو او طالبانو ترمنځ نښتې روانې دي.
طالبانو دعوه کړې چې د سپين بولدک او پاکستان سره پوله يې نيولې خو افغان چارواکو دغه دعوې رد کړي او ویلي يې وو د سپين بولدک مرکز د افغان ځواکونو سره دی.
نن د افغانستان د دفاع وزارت وياند فواد امان ويلي، د تیري شپې راهسې د کندهار د سپين بولدک ولسوالي د ترهګرۍ څخه پاکول پېل کړی شوي دي.
هغه دعوه کړې افغان کمانډو مخ په وړاندې روان دي او طالبانو ته غټه مرګ ژوبله اوښتې ده.
Clearing operation has begun in Spin #Boldak, Kandahar province last night . #ANDSF, commando forces and Uprising People Forces cleared large area from terrorists and are they are advancing now. #Terrorist Taliban have suffered heavy casualties and they are fleeing.
— Fawad Aman (@FawadAman2) July 16, 2021