د پاکستان د کورنيو چارو وزیر ویلي، د لاقانونه ګرځول شوې ډلې تحریک طالبان پاکستان (ټي ټي پي) او د داعش خلک د پاکستان پولې ته څېرمه د ننګرهار د نورستان په غره ييزه سيمو کې دي.
نن د نهې/ سه شنبې په ور ځ (17 اګست) د (جيو ټي وي) سره په خبرو کې شېخ رشيد وویل، د ټي ټي پي او داعش په اړوند په افغانستان کې د طالبانو سره په رابطه کې یو، او هڅه کوي چې ټي ټي پي د پاکستان پرضد د افغانستان خاوره ونه کاروي او طالبانو ته يې ويلي چې پاکستان به هم کومه لاس وهنه نه کوي.
په وروستيو کې داسې خبرونه مخې ته راغلي وو چې طالبانو د باګرام زندان څخه ټول 5000 بنديان خوشي کړي چې پکې د القاعده غړي هم شامل دي.
په 15 اګست د وي او اې خبريال سټيو هېرمن په ټویټر ویلي وو داسې راپورونه دي چې افغان ځواکونه په باګرام هوايي اډه طالبانو ته تسليم شوي او طالبانو د باګرام زندان څخه بنديان خوشي کړي دي.
All prisoners held at Bagram have been released from prison and transferred to “safer places,” according to the #Taliban. The base prison held 5,000 inmates, including al-Qaeda figures.
— Steve Herman (@W7VOA) August 15, 2021
په ټولنيزو رسنيو بيا داسې هم ویل شوي وو چې په دغو بنديانو کې د پاکستاني طالبانو د يو مشر فقير محمد په ګډون په سوونو پاکستاني طالبان خوشي شوي دي.
Important to keep in mind that Taliban prison breaks in Afghanistan is also bad news for Pakistan. Several TTP fighters and commanders were released from these jails by Taliban. These prison breaks have strengthened TTP ranks. https://t.co/CYHHlhwX0T
— FJ (@Natsecjeff) August 15, 2021
پاکستاني طالبانو هم د تحریک طالبان پاکستان د مرستیال مشر فقير محمد د خوشي کېدو ويلي دي.
شېخ رشيد ویلي، د افغانستان سره په پوله د ازغن تار لګولو کار 98 فيصده مکمل شوی او امنيتي ځواکونه پرې موجود دي او حالات د اطمينان وړ دي.
هغه زیاته کړې د افغانستان سره د تورخم او چمن په لارو سوداګریز سامانونه ځي راځي او دا وخت په پوله د کډوال هيڅ راتګ نشته.
د پاکستان د کورنیو چارو وزير دغه خبرې په داسې حال کې کړي چې طالبان په 15 اګست په کابل ورختلي او افغان ولسمشر اشرف غني د افغانستان څخه وتلی دی.