د پاکستان حکومت د پټرولو او نورو تيلو بيې يو ځل بيا سېوا کړي، او د يو ليټر پټرولو په بيه کې پينځه روپۍ اضافه شوې ده.
په پاکستان کې د تيلو او ګېس د انتظام ادارې (اوګرا) د تيلو نوې بيې اعلان کړي چې د تيرې شپې 16 اګست نه عملي شوي دي.
د پاکستان د سرکاري میډيا ترمخه د تيلو د بيو په نوې اعلاميه کې ويل شوي چې په يو ليټر پټرولو کې پينځه روپۍ افاضه شوې او د يو ليټر پټرولو بيه د 118.30 روپو نه يو ليټر 123.30 روپو ته رسېدلې ده.
دغه ډول د هايي سپيډ ډيزلو په يو لیټر کې پينځه روپۍ او يوه پېسه سېوا کړی شوې او نوې بيه يې 120 روپۍ او څلورو پېسو ته رسېدلې ده.
د خاورو تيل پينځه روپۍ او 46 پېسې سېوا کړی شوې او نوی قيمت يې 92روپۍ او 26پېسې شوی دی.
او د لايټ ډيزلو په يو ليټر کې پينځه روپۍ 92 پېسې اضافه شوې چې ورسره د يو ليټر بيه 90 روپو او 69 ته رسېدلې ده.
مخالفه ګوندونو او په ټولنيزو رسنیو په حکومت سختې نيوکې کړي دي.
د پاکستان پيپلز ګوند مشر بلاول بټو زرداري د پټرولو د قيمتونو سېوا کېدل رد کړي دي.
هغه پوښتنه راولاړه کړې چې، پټرول پينځه روپۍ ګران کړی شو خان صېب په قوم به ښې ورځې کله راځي.
بلاول ويلي پټرول د ملکي تاريخ تر ټولو لوړې کچې ته رسېدلي عمران خان د عوام په جېبونو ډاکه اچولې او کله چې ډالر او پټرول په لوړه کچه وي نو هر څيز به د اولس د لاسه ووځي.
پیٹرول ملکی تاریخ کی بلند ترین سطح پر پہنچا کر عمران خان نے عوام کی جیبوں پر ڈاکا مارا ہے، چیئرمین بلاول بھٹو زرداریڈالر اور پیٹرول جب تاریخ کی بلند ترین سطح پر ہوں گے تو ہر شے عوام کی دسترس سے دور ہوتی چلی جائے گی، چیئرمین بلاول بھٹو زرداری
— PPP (@MediaCellPPP) September 16, 2021
د پاکستان د اطلاعاتو وزير فواد چودري د خبريال اجمل جامي د تيلو د بيو په اړه پوښتنې ته په ځواب کې ويلي،
په پاکستان کې د تيلو بيې اوس هم په سيمه کې تر ټولو کمې دي، يا خو به په درېو کالو کې د تیلو نوي کويان راوتلی، ګنې ښکاره ده چې کله تاسو تيل د بهر نه اخلئ نو بيې به لوړيږي. دغه اصول د نورو بهر څخه راتلونکو څيزونو دپاره هم دي. اصل کامیابي دا ده چې د 75فيصده ابادۍ په امدنۍ کې هم اضافه شوې ده.
پاکستان میں تیل کی قیمتیں اب بھی ریجن میں سب سےکم ہیں، یا تو تین سالوں میں تیل کے کنوئیں نکل آتے ورنہ ظاہر ہے جب آپ نے تیل باہر سے خریدنا ہے تو قیمت بڑھے گی تو قیمتیں بڑھیں گی، یہی اصول باقی درآمدات کیلئے ہے۔اصل کامیابی یہ ہےکہ75 فیصد آبادی کی آمدنی میں بھی خاطر خواہ اضافہ ہوا ہے https://t.co/vfggD1xaFx
— Ch Fawad Hussain (@fawadchaudhry) September 16, 2021
په پاکستان کې د تیلو بيې په داسې حال کې لوړې شوي چې پرون د پاکستان په تاريخ کې روپۍ د ډالر په مقابله کې په ريکارډ کچه بې قدره شوې ده.