د پاکستان کرکټ بورډ وايي، نن د جمعې په ورځ (17 ستمبر) ورته د نيوزي لېنډ کرکټ بورډ خبر ورکړ چې د امنيت په اړه ورته خبرداری ورکړی شوی ځکه دوی په يو اړخيزه توګه د سياليو ځنډولو پرېکړه کړې ده.
د پاکستان کرکټ بورډ ويلي، کرکټ بورډ او د پاکستان حکومت د مېلمه لوبډلې دپاره د امنیت کلک انتظامات کړي وو او د نيوزي لېنډ کرکټ بورډ لخوا ورته باور ورکړی شوی وو.
کرکټ بورډ په جاري کړي بيان کې ويلي، د پاکستان وزیراعظم د نيوزي لېنډ د وزيراعظم سره رابطه کړې وه او هغه ته يې ويلي وو چې زمونږ امنیتي استخبارات د نړۍ غوره استخبارات دي او مېلمه لوبډلې ته به هیڅ ګواښ نه وي.
او د نيوزي لېنډ چارواکو د پاکستان د حکومت په امنيت د اطيمنان څرګندونه کړې وه.
Earlier today, the New Zealand cricket board informed us that they had been alerted to some security alert and have unilaterally decided to postpone the series.PCB and Govt of Pakistan made fool proof security arrangements for all visiting teams. 1/4
— Pakistan Cricket (@TheRealPCB) September 17, 2021
د کرکټ نړيوالې شورا (ايي سي سي) هم د نيوزي لېنډ د دورې د ځنډولو خبر تاييد کړی دی.
The Black Caps have abandoned the tour of Pakistan following a security alert from the New Zealand government.Details 👇https://t.co/GMVT3zm18y
— ICC (@ICC) September 17, 2021
د نيوزي لېنډ کرکټ بورډ ويلي، د نيوزي لېنډ حکومت ورته خبر ورکړی شوی چې لوبډلې ته د امنيت خطره ده له هغې وروسته د پاکستان دوره ځنډوي.
د نیوزي لېنډ کرکټ بورډ ويلي، د خپلې لوبډلې د پاکستان نه ويستو دپاره تياريانې کوي.
The BLACKCAPS are abandoning their tour of Pakistan following a New Zealand government security alert. Arrangements are now being made for the team’s departure. More information | https://t.co/Lkgg6mAsfu
— BLACKCAPS (@BLACKCAPS) September 17, 2021
ويل شوي د نيوزي لېنډ او پاکستان د کرکټ لوبډلو ترمنځ نن د درېو سياليو لومړۍ لوبه په راولپنډۍ کې ټاکل شوې او له دې وروسته په لاهور کې پينځه شل اووريزې سيالۍ ټاکل شوې وې.
په 17، 19 او 21 ستمبر د راولپنډۍ په لوبغالي کې درې يو ورځنۍ سيالۍ او د 25 ستمبر نه تر درېم اکتوبر پورې شل اووريزې سيالۍ اعلان شوې وې.
د نيوزي لېنډ کرکټ لوبډله 18 کاله وروسته د پاکستان په سفر راغلې وه.
په کال 2009 کې په لاهور کې د سري لنکا په کرکټ لوبډله وسله وال بريد شوی او له هغې وروسته پاکستان ته د بهرنيو هېوادونو لوبډلې راتلل ودرېدلي وو.