د لاقانونه ګرځول شوې ډلې تحریک لبېک پاکستان (ټي اېل پي) لاريون د پنجاب صوبې ګوجرانوالې ښار ته رسېدلی، حکومت ویلي د ټي اېل پي 32 غړي نيولي او د کورنیو چارو وزير ویلي د لاريون مخه به نيسي.
ټي اېل پي د تيرې جمعې د ورځې نه د لاهور څخه اسلام اباد ته لاريون پېل کړی او غوښتنې کوي چې حکومت دې د فرانس سفير د ملک نه اوباسي او د دغه ډلې مشر سعد رضوي دې خوشی کړي.
د لاريون کوونکو او پوليس ترمنځ د لاهور سره نزدې په شيخو پوره سيمه کې نښتې شوي چې پکې پوليس او لاريون کوونکي وژل شوي اوټپيان شوي هم دي.
د اطلاعاتو وزیر فواد چودري ويلي، تيره شپه (د زیارت او جمعې) په مينځنۍ شپه کې يې د ټي اېل پي 32 غړي نيولي دي، هغه تور لګولی چې دغو کسانو په ټولنيزو رسنيو د کرکې ډکه پروپېګنډا کوله.
رات ایک اہم کاروائی میں کالعدم جماعت سے تعلق رکھنے والے 32 اراکین کو گرفتار کیا گیا ہے یہ لوگ جعلی سوشل میڈیا اکاؤنٹس کے ذریعے نفرت انگیز پرپیگنڈا کر رہے تھے اور جعلی خبروں اور پروپیگنڈے کیخلاف بڑا ایکشن شروع کر دیا گیا ہے جلد ہی مزید گرفتاریاں ہوں گی
— Ch Fawad Hussain (@fawadchaudhry) October 29, 2021
بل لور ته بيا د کورنیو چارو وزير شېخ رشيد ویلي، د ټي اېل پي ټولې غوښتنې منل شوې وې، د احتجاج جواز نه وو، لاريون به په هیڅ صورت نه پرېښودل کيږي.
هغه ويلي که مظاهرين/ لاريون کوونکي بيرته خپل مرکز ته ستانه شي، حکومت د دوی سره خبرو ته تیار دی. حکومت به نه ټيټيږي او نه به يرغمال کيږي.
شېخ رشيد ویلي، د رياست عملداري به په هر صورت ټينګولی شي او په هر ډول به د لاريون کوونکو مخه نيول کیږي.
ٹی ایل پی کے تمام مطالبات تسلیم کرلیے تھے،احتجاج کا کوئی جوازنہیں مارچ کو ہرصورت روکا جائیگا،اگر مظاہرین واپس مرکز چلے جائیں تو حکومت ان سے بات چیت کیلئے تیار ہے.حکومت جھکے گی نہ یرغمال بنے گی، ریاست کی رٹ قائم کی جائیگی اور مظاہرین کو ہر صورت روکا جائیگا، pic.twitter.com/8wMw4Y439U
— Sheikh Rashid Ahmed (@ShkhRasheed) October 28, 2021
د پاکستان د ځايي میډيا ترمخه د لاريون په لار کې ځای په ځای سړکونه بند کړی شوي او په راولپنډۍ او اسلام اباد کې هم سړکونه تړل شوي دي.
د شورو/ چهارشنبې په ورځ (27 اکتوبر) شېخ رشید ویلي وو د حالاتو قابو ساتلو دپاره په پنجاب صوبه کې نیم پوځي ځواک رېنجرز یې د 60 ورځو لپاره ګومارلي او پنجاب حکومت ته یې واک سپارلی چې هر ځای وغواړي له رېنجرز ځواک څخه د پوليسو په څېر کار واخلي.
او بيا د پاکستان د اطلاعاتو وزیر فواد چودري ویلي، تحريک لبېک پاکستان (ټي اېل پي) يوه لاقانونه ډله ده او اوس به حکومت د دې ډلې سره داسې چلند کوي څنګه چې د يوې وسله والې ډلې سره کوي.
چودري ویلي، د وزيراعظم عمران خان په مشرۍ غونډه شوې چې پکې د پوځ او استخباراتي ادارو په ګډون پکې د اړونده ادارو چارواکي هم موجود وو، څرګنده پاليسي جوړه کړی شوې او فېصله شوې چې د لاقانونه ګرځول شوې ډلې تحریک لبېک سره به د يوې وسله واله ډلې په شان چلند کيږي.