د خېبرپښتونخوا په ډېره اسماعيل خان ضلع کې د ښار (سټي مېر) ناظم دپاره د عوامي نيشنل ګوند کانديد (امېدوار) نامالومو وسله والو په ډزو وژلی دی. د خېبرپښتونخوا په 17 ضلعو کې سبا د اتوار/ يکشنبې په ورځ 19 دسمبر بلدياتي انتخابات کيږي.
ياده پېښه نن د خالي/ شنبې په سهار نزدې اته بجې د ډېره اسماعيل خان د کېنټ تاڼې په علاقه کې رامنځته شوې ده.
د کېنټ تاڼې پولیس محرر عمر حيات وي او اې ډیوه سره په خبرو کې تاييد کړه چې عمر خطاب شېراني د نامالومو وسله والو په ډزو وژل شوی، پوليس موقعې ته رسېدلي او نور مالومات رایو ځای کوي.
د عوامي نيشنل ګوند د خېبرپښتونخوا صوبې وياندې ثمر هارون هم د دغه پېښې په اړه ټويټر ويلي،
"د عوامي نيشنل ګوند د ډي ايي خان د تحصيل مېر امېدوار عمر خطاب شيرانی د کور په مخکې په ډزو وژل شوی دی. مونږ انصاف غواړو، اوس يې غواړو او دا نور د زغملو نه دي".
Omar Khitab Sherani , ANP Candidate for Tehseel Mayor of DI Khan has been shot dead in front of his house !! We want justice and we want it now . This cannot go on any more
— Samar Haroon Bilour (@SamarHBilour) December 18, 2021
په سمدستي ډول د پېښې زمه واري چا نه ده منلې.
د ډېره اسماعيل خان پولیس وياند امتياز علي وي او اې ته وويل، د عوامي نيشنل ګوند د کانديد د وژنې پېښه په ښکاره ترهګري مالوميږي خو پوليسو پلټنې پېل کړي دي.
هغه وویل عمرخطاب شيراني په ناين اېم اېم تماچه په سر دوه ډزه ويشتل شوی او وژل شوی دی.
د پېښې پرضد د عوامي نيشنل ګوند غړو د عمر خطاب شيراني د جسد سره احتجاج پېل کړی دی.
د خېپرپښتونخوا وزيراعلا محمود خان د پېښې غندنه کړې، د پېښې نوټس يې اخستی، د پېښې په اړه يې د پوليس نه رپورټ غوښتی او په پېښه کې د ککړو کسانو د نیولو لارښوونه یې کړې ده.
وزیر اعلی خیبر پختونخوا @IMMahmoodKhan کا ڈیرہ اسماعیل میں نامعلوم افراد کی فائرنگ سے تحصیل میئر کے امیدوار عمر خطاب کے قتل کا نوٹس۔ وزیر اعلی کا پولیس کو واقعے کی تحقیقات کرکے رپورٹ پیش کرنے کا حکم ۔ pic.twitter.com/6wVOgQajTG
— CM KP Updates (@CMKPUpdates) December 18, 2021
د خېبرپښتونخوا د ټاکنو کمېشن ويلي سبا په 19 دسمبر په 17 ضلعو کې د بلدياتي ټاکنو دپاره ټولې تياريانې بشپړ کړی شوي دي.
ويل شوي په 17 ضلعو کې يو کروړ 26 لکه او 68زره سړي او ښځې ووټران دي.
د ټاکنو د کمېشن ترمخه ټول 9223 پولينګ سټېشنې جوړې کړی شوي چې پکې 4188 حساسه او 2507 ډېرې حساسه ګرځول شوي دي.
د خېبرپښتونخوا حکومت ويلي د انتخاباتو دپاره په پېښور کې کنټرول روم هم جوړ کړی شوی چرته چې به د امنیت او هر ډول حالاتو په اړه وزیراعلا نېغ په نېغه خبرولی شي.
وزیر اعلیٰ خیبرپختونخوا کے معاون خصوصی اطلاعات بیرسٹر محمد علی سیف کا بلدیاتی الیکشن سے متعلق قائم ایمرجنسی کنٹرول روم کا دورہ#KPUpdates pic.twitter.com/5nLUF8h1dx
— Information Department KP (@infokpgovt) December 17, 2021