پاکستان کې د مخالفه ګوندونو اتحاد ويلي، "عمران نيازي د ملک او ايين نه ښکاره بغاوت کړی د کوم څه سزا چې د ايين په ارټيکل شپږم (6) کې درج ده". خو عمران خان په مخالفه ګوندونو غږ کړی چې "عامو انتخاباتو پله دې راشي".
پرون د اتوار/ يکشنبې په ورځ (3 اپرېل) د قومي اسمبلۍ مرستيال سپيکر قاسم سوري د عمران خان پرضد د مخالفه ګوندونو د بې باورۍ د تحریک قرارداد مسترد کړی او بيا عمران خان صدر عارف علوي ته د قومي اسمبلۍ ماتولو سپارښتنه کړې او صدر قومي اسمبلي ماته کړې ده.
مخالفه ګوندونو ویلي، "د عمران نيازي د بغاوت چې څومره غندنه وشي کمه ده".
متحدہ اپوزیشن نے کہا ہے کہ عمران نیازی نے آج ملک اور آئین کے خلاف کھلی بغاوت(Coup) کی ہے جس کی سزا آئین کے آرٹیکل 6 میں درج ہے۔ عمران نیازی کی اس بغاوت کی جتنی مذمت کی جائے کم ہے۔ pic.twitter.com/7Y4XJpzIrR
— PML(N) (@pmln_org) April 3, 2022
د مخالفه ګوندونو اتحاد د عمران خان پرضد د بې باورۍ د تحریک د قرارداد مسترد کولو وروسته غونډه کړې او په جاري کړي بيان کې يې ویلي، "نن د ملک د تاريخ توره ورځ ده، چې پکې د ايين، جمهوریت، قانون او سياسي اخلاقياتو پرضد بغاوت شوی دی".
په دغه بيان کې د چيف جسټس مننه شوې چې دغه حالاتو يې د خپل انده/ از خود نوټس اخستی، او تمه يې څرګنده کړې چې متحده اپوزيشن او او د پاکستان 22 کروړه ولس هیله لري چې د پاکستان اعلا عدليه به د پاکستان د ايين سره ودریږي.
مخالفه ګوندونو ويلي د ايين نه د بغاوت سزا د ايين په شپږمه ماده کې درج ده.
د پاکستان د ايين شپږمه ماده، سخته غداري
د ايين په شپږمه ماده/رټیکل کې ویل شوي، "څوک چې هم په زور يا د بلې غېر اييني لارې دستور/ ايين لغوه/ مات کړي، خراب يا معطل کړي هغه به د سختې غدارۍ مجرم وي، او د هغې دپاره پارلیمان د عمر بند يا مرګ سزا وړاندې کړې ده".
خو عمران خان بيا ويلي، "د عامو انتخاباتو په اعلان د مخالفه ګوندونو اتحاد (پي ډي اېم) په غبرګون حېرانه يم، دوی خو اسمان په سر اخستی وو چې زمونږ حکومت ناکامه شوی او په ولس کې مقبوليت د لاسه ورکړی دی، نو دوی بيا د انتخاباتو نه په ويره کې ولې دي؟، جمهوري خلک خو د تاييد او ملاتړ دپاره ولس ته رجوع کوي".
عام انتخابات کےہمارے اعلان پر PDM کے ردِعمل پر حیران ہوں۔ اِنہوں نے تو آسمان سر پر اٹھا رکھا تھا کہ ہماری حکومت ناکام ہوگئی ہے اور عوام میں اپنی تائید و مقبولیت کھو بیٹھی ہے تو پھر اب انتخابات سے خوفزدہ کیوں ہیں؟ جمہوری لوگ تو تائید و حمایت کیلئےہمیشہ عوام ہی سے رجوع کرتےہیں۔
— Imran Khan (@ImranKhanPTI) April 3, 2022
هغه ويلي دا به د پي ډي اېم دپاره غوره نه وي چې د حکومت غورځولو په ځای د بهر ملکي سازش برخه جوړیږي، انتخابات دې قبول کړي.
په 28 مارچ په قومي اسمبلۍ کې د اپوزيشن مشر شهباز شريف د وزیراعظم عمران خان پرضد د بې باورۍ تحریک وړاندې کړی وو، او عمران خان بيا ويلي وو، د حکومت د لرې کولو دپاره یې د بهر نه پېسې راځي، او په دغه عمل کې د دوی خپل خلک کاريږي.
عمران خان دغه خبره د (27مارچ) په ماښام په اسلام اباد کې د خپل ګوند د پلويانو راجوړې غټې غونډې ته په وېنا کې کړې وه.
عمران خان بيا په 31 مارچ ناوخته قوم په ټیلي ويژن وېنا کې د ياد سازش په اړوند د بهرني خط يادګېرنه کړې او ويلي يې وو، "مونږ ته په اتم يا د هغې نه وړاندې په اووم مارچ مونږ ته د امریکې نه، د امریکې نه نه، د بهرني يو ملک نه، مطلب د بهر يو ملک نه پېغام راځي".
خو امريکې د عمران خان دغه تور رد کړی وو.
او مخالفه ګوندونو هم د عمران خان د خط خبرې ته جعلي ويلي وو.
پرون د سپيکر لخوا د بې باورۍ د قرارداد مسترد کولو، او سياسي صورتحال په خبره سپريم کورټ از خود نوټس اخستی او نن د ګل/ دوشنبې په ورځ (4 اپرېل) پرې اورېدنه کيږي.
جرنلسټ سليم صافي ويلي،
"دوه باخبره جرنلسټانو نجم سيټهي او حامد مير دعوه کړې چې په امریکا کې د پخواني سفير اسد مجيد په کېبل (خط) کې د خپلې خوښې بدلون شوی دی، اوس ضروري شوې ده چې عدالت قرېشي (شاه محمود قرېشي)، سيکرټري خارجه او اسد را وغواړي او حقيقت مالوم کړي".
دو باخبرترین صحافیوں نجم سیٹھی اورحامد میرکا دعویٰ ہےکہ امریکہ میں سابق پاکستانی سفیراسدکی کیبل میں مرضی کی ترمیم کی گئی ہے۔اب ضروری ہوگیاہےکہ عدالت قریشی،سیکرٹری خارجہ اوراسد کوبلا کر حقیقت معلوم کرے۔ کیونکہ جعلی الیکشن سے سیلیکٹ ہونے والی حکومت کوئی بھی جعل سازی کرسکتی ہے۔
— Saleem Safi (@SaleemKhanSafi) April 3, 2022