پاکستان کې په ټولنيزو داسې دعوې شوي چې د ترهګرۍ د مالي مرستو او پېسو غېر قانونه انتقال د څار نړیوالې ادارې [اېف اې ټي اېف] پاکستان د خړ فهرست څخه بهر کړو خو د پاکستان د بهرنيو چارو وزارت ويلي، اېف اې ټي اېف به نن د پاکستان په وخت ماښام خپل اعلان کوي، د اوازو څخه دې ډډه وشي.
په پاکستان کې د تحريک انصاف ګوند د تېر حکومت د وزیراعظم عمران خان یو سلاکار شهباز ګل په ټویټر اعلان کړی او پاکستان ته يې اومبارکي ويلې، چې اېف اې ټي اېف پاکستان د خړ فهرست څخه وويستو.
مبارک پاکستان۔ پاکستان کو ایف اے ٹی ایف کی گرے لسٹ سے نکال دیا گیا۔سابق وزیراعظم عمران خان کی خصوصی توجہ سے ان کی ٹیم نے وہ کام کر دکھایا جو پہلے کسی نے نہیں کیا۔ میں نے چند دن پہلے ہی کہا تھا کہ اب ارسطو اس کا کریڈٹ لینے کی کوشش کرے گا۔ان چوروں نے ہی ہمیں گرے لسٹ میں ڈلوایا تھا
— Dr. Shahbaz GiLL (@SHABAZGIL) June 17, 2022
خو په جرمني کې د اېف اې ټي اېف په روانه غونډه کې چې د پاکستان د بهرنیو چارو وزير مملکت حنا رباني کهر د پاکستاني پلاوي مشري کوي، په ټويټر يې ويلي،
"د اېف اې ټي اېف عمومي غونډه په برلن کې روانه ده، اېف اې ټي اېف به نن شپه [د جمعې په شپه 17 جون] د غونډې په پای ته رسېدو اعلاميه خپروي. په دغه اړه دې د اټکلونو يا اوازو په بنياد د ربورټنګ څخه دې ډډه وشي. د پاکستان د حکومت د بهرنيو چارو وزارت به سبا د خالي/ شنبې په ورځ [18 جون] په دغه اړه مطبوعاتو ته احوال وړاندې کوي".
The #FATF Plenary Meetings r continuing in Berlin. FATF will issue a Public Statement after conclusion of the meetings tonight. Prejudging the outcome or speculative reporting could and should be avoided.GOP has arranged a media briefing at MOFA on Saturday morning on this issue
— Hina R Khar (@HinaRKhar) June 17, 2022
اېف اې ټي اېف هم په لسم جون د غونډې په اړه ويلي وو د 14 جون نه تر 17 جون پورې د غونډې وروسته به د جمعې په ورځ خپله اعلاميه خپروي.
فاېننشنل اېکشن ټاسک فورس سږ کال د مارچ په میاشت کې د پاکستان د ګامونو ستاينه کړې وه البته په پاکستان يې ټينګار کړی وو چې د ترهګرو د مالي سرچينو د پلټنو او د ملګرو ملتونو لخوا د ترهګر ګرځول شوو ډلو خلاف کاروايي بشپړه کړي.
پاکستان د کال 2018 راهسې د فاېننشنل اېکشن ټاسک فورس په خړ فهرست کې شامل دی او څېړونکي وايي که دا ځل فاېننشنل اېکشن ټاسک فورس د پاکستان نوم د خړ فهرست نه اوباسي نو دې سره به نه يواځې په نړيوال کچ د هېواد مخ ښه شي بلکې پاکستان کې به نړيوالو پانګونو ته هم لاره پرانستل شي.