د خېبرپښتونخو حکومتي کابینيې هغه اوازې رد کړي او پروپېګنډا يې ورته ویلې چې ګنې په سوات کې طالبان بيا منظم کيږي. د پاکستان د سرکاري ميډيا [رېډيو پاکستان] ترمخه دغه خبره د نهې/سه شنبې په ورځ د وزیراعلا محمود خان په مشرۍ د کابينې په غونډه کې شوې ده.
د کابینې د غونډې وروسته د وزيراعلا د اطلاعاتو مرستيال بېرسټر محمد علي سېف مطبوعاتو سره په خبرو کې ویلي، په سيمه کې امن په مکمله توګه په قابو کې دی او حکومت به د ملک په خپلواکۍ او ولس په تحفظ هيڅ جوړ جاړی ونه کړي.
د ګل په ورځ په هم بېرسټر سېف ويلي وو، د سوات په ګډون په پوره ملاکنډ ډويژن کې پوره امنيت په ځای دی او په تيرو ورځو کې چې په سوات کې کوم حالات جوړ شوي د هغې په مکمله توګه مخه نيول شوې ده.
سوات سمیت پورے ملاکنڈ ڈویژن میں مکمل امن و امان قائم ہےاور گزشتہ دنوں سوات میں جو صورتحال سامنے آئی تھی اس کا مکمل تدارک کیا گیا ہے۔ اس دوران وزیراعلیٰ ,حکومت صورتحال پر کڑی نظر رکھے ہوئے تھے اور اس حوالے سے صوبائی حکومت قانون نافذ کرنے والے اداروں کے ساتھ قریبی روابط میں تھی۔ pic.twitter.com/V5BPoX1sfe
— Barrister Dr Muhammad Ali Saif (@BaristerDrSaif) August 15, 2022
د خېبرپښتونخوا حکومت دا بيان په داسې حال کې ورکړی چې په اتم اګست د سوات په مټه تحصيل کې د يو پوليس او پوځي افسر او سپاهي د وسله والو طالبانو په لاسو د يرغمال کېدو وډیوز په شوسل میډیا مخې ته راغلي وو.
په ټولنيزو رسنيو یوه ويډیو کې په مبينه توګه د سوات په غرونو کې طالبان د یو پوځي او پوليس افسر نه په داسې حال کې پوښتنې کوي چې لاسونه یې شاته تړل شوي وو.
وروسته بيا د خېبرپښتونخوا پولیسو ويلي وو، "مونږ د عامو خلکو په دې اندېښنه هم خبر يو چې د سوات حالات د کال 2008/09 وخت ته بيرته تلی شي کله چې وسله والو په سيمه کې د خپل شريعت د لارې واک کولو".
پوليسو ويلي وو، "د خېبرپښتونخوا پولیس خلکو ته باور ورکوي چې مونږ په حقيقت خبر يو چې د سوات ځینې کسان چې وړاندې په افغانستان کې اوسېدل اوس د سوات په لرې پرتو غرونو کې شتون لري".
او بيا پوځ هم ویلي وو چې په سوات کې د ناقانونه ډلې ټي ټي پي د وسله والو په لویه کچه د شتون په اړه په ټولنیزو رسنیو یوه غلط فهمي پیدا کړل شوې ده او داسې رپورټونه له مبالغې ډک او تیر ویستونکي دي.
خو د پوځ د دې دعوې برعکس د پاکستاني طالبانو تحریک مطبوعاتو ته په لېږلي خبر کې ويلي وو چې دوی په سوات کې وخت له سره شتون لري.
په سوات کې د طالبانو د ښکاره کېدو وروسته په دير او سوات کې خلک راوتلي احتجاجونه يې کړي او د امنيت غوښتنه يې کړې ده.
پرون د عوامي نيشنل ګوند د سيوري لاندې پښتون قومي امن جرګه کې هم ويل شوي چې رياست ته به د يوې ورځې دپاره هم اجازت ور نه کړي چې د پښتنو خاوره يو ځل بيا طالبانو ته وسپاري.