د پاکستان تحریک انصاف ګوند مشر او پخواني وزیراعظم عمران خان او د هغه د ګوند د نورو مشرانو غړو پرضد د اسلام اباد په ابپاره تاڼه کې بله مقدمه درج کړی شوې، او د عمران خان د بندي وياند شهباز ګِل پرضد هم بله مقدمه درج کړی شوې ده.
د عمران خان او نورو پرضد ياده مقدمه په 22 اګست درج شوې او د مقدمي کاپي د پاکستان تحریک انصاف ګوند شهريار اپريدي په ټويټر خپره کړې ده.
Instead of controling inflation,reducing electricity prices,relief on POL,visiting flood affected areas,pondering abt ppl’s verdict against them in by elections, fascist imported regime is lodging FIRs to silence the voices of public reps.Another FIR lodged against leaders of PTI pic.twitter.com/6RH59Iw7RF
— Shehryar Afridi (@ShehryarAfridi1) August 23, 2022
په مقدمه کې ویل شوي په 20 اګست د عمران خان په وېنا د پاکستان تحریک انصاف غړي چې د 1000 نه 1200 پورې وو په زيرو پواينټ راجمع شوي، د شهباز ګِل د خوشي کولو غوښتنې يې کولې، سړک يې بند کړی او ګواښونه يې کول.
په مقدمه کې د تحریک انصاف ګوند 18 مشران غړي نومول شوي چې پکې مخکني وزيران هم شامل دي، په دوی د سرکاري اهلکارو د حکم نه منلو، د سرکاري اهلکارو په ډيوټۍ کې خنډانو جوړولو، او ګواښونو کولو سره د لاوډ سپيکر د غلط استعمال او 144 مادې د سرغړونې لاندې مقدمه درج کړی شوې ده.
له دې وړاندې په 20 اګست د عمران خان پرضد په مارګله تاڼه کې هم د عمران خان پرضد د ترهګرۍ د مادې [7ATA] لاندې مقدمه درج شوې چې هغه يوه ښځینه ججې/ قاضي او د پوليسو لوړ پوړو چارواکو ته ګواښونه کړي وو.
خو د اسلام اباد هايکورټ په دغه مقدمه کې د عمران خان ضمانت منظور کړی دی.
او اسلام اباد هایکورټ ښځينه قاضي ته د ګواښ په سر د عمران خان پرضد د عدالت د سپکاوي د مقدمې اورېدنې کړې او پرون د نهې/ سه شنبې په ورځ اورېدنه کې د اسلام اباد هایکورټ عمران خان ته حکم کړی چې په 31 اګست عدالت ته حاضر شي.
د عمران خان د 20 اګست د بيان وروسته د کورنیو چارو وزير رانا ثناالله ویلي وو عمران خان به نيول غواړي.
او د اسلام اباد پوليسو ويلي وو، "پوليس خپله زمه وار ترسره کوي او چې څوک هم ګواښونه کوي يا تورونه لګوي پرضد به يې قانوني چلند کيږي".
خو تحریک انصاف ګوند د عمران خان د بيان دفاع کړې او ويلي يې وو عمران خان د پوليسو چارواکو او ښځینه ججې پرضد د قانوني ګام پورته کولو خبره کړې وه.
د عمران خان او نورو پرضد د مقدمې په غبرګون کې د تحريک انصاف شهريار اپريدي چې په خپله هم په دغه مقدمه کې نومول شوی، په غبرګون کې يې ويلي اېمپورټډ حکومت د ګرانۍ او سېلاب ځپلو د مرستو په ځای د ولسي استازو د غږ خاموشه کولو دپاره بله مقدمه درج کړې ده.
خو له دې وړاندې د اطلاعاتو وزير مريم اورنګزېب په عمران تور لګولی چې هغه د ملک دپاره امنیتي خطره جوړ شوی او په ملک کې خانه جنګي کول غواړي.
عدلیہ کو اب معلوم ہو گیا ہوگا کہ سیسیلین مافیا کیا ہوتا ہے.فارن ایجنٹ عمران خان پاکستان اور اس کی سکیورٹی کے لئے خطرہ بن گیا ہے۔ قومی اداروں اور ریاستی رٹ کو چیلنج کر کے عوام کو تشدد، لاقانونیت، بغاوت اور فساد پر اُلسا رہے ہیں۔عمران خان ملک میں خانہ جنگی چاہتے ہیں
— Marriyum Aurangzeb (@Marriyum_A) August 20, 2022
په 23 اګست د پاکستان تحریک انصاف د نيول شوي غړي او عمران خان د وياند شهباز ګِل پرضد په سيکرټريټ تاڼه کې د بې لايسنسه تماچې ساتلو په تور بله مقدمه درج کړی شوې ده، شهباز ګِل د وړاندې نه د پوځ پرضد راپارونکې وېنا په تور کې بندي دی.
بل لور ته د خېبرپښتونخوا حکومتي وياند بېرسټر سېف ويلي، د خېبرپښتونخوا حکومت پرېکړه کړې چې د رياستي ادارو پرضد د کرکې د ډکو وېناګانو په سر به د پي ډي اېم د مشرانو پرضد مقدمه درج کوي.
خیبر پختونخوا حکومت کا ریاستی اداروں کے خلاف نفرت انگیز بیانات پر پی ڈی ایم قیادت کے خلاف مقدمات درج کرنے کا فیصلہ۔ مقدمات کریمینل پروسیجر کوڈ کے سیکشن 196 کے تحت درج کئے جارہے ہیں. مقدمات پاکستان پینل کوڈ کے سیکشنز 108A 153A اور 505 کے تحت درج کئے جائیں گے.1/3
— Barrister Dr Muhammad Ali Saif (@BaristerDrSaif) August 23, 2022
پي ډي اېم يا پاکستان ډیمو کرېټک مومنټ د حکومتي واکمنه ايتلافي ګوندونو تحریک دی.