د پاکستان تحریک انصاف ګوند مشر او مخکني وزیراعظم عمران خان د خپل ګوند د لانګ مارچ ګډون والو ته په وينا کې يو ځل بيا د پوځ د مشر نه غوښتي چې د استخباراتي ادارې ايي اېس ايي دوه افسران دې د څوکو څخه لرې کړي.
عمران خان پرون د لانګ مارچ په دوېمه ورځ هم په خپله وينا کې په پوځ او استخباراتي ادارې ايي اېس ايي نيوکې کړي او د پوځ د مشر نه يې غوښتي د ايي اېس ايي هغه افسران چې په اعظم سواتي يې تشدد کړی هغه دې د څوکۍ څخه لرې کړی شي.
د تحریک انصاف ګوند اعظم سواتي دوه ورځې وړاندې په يوه خبري غونډه کې د مېجر جنرل فېصل او سېکټر کمانډر فهيم نومونه اخستي چې دوی پرې تشدد کړی دی.
د پوځ لخوا د اعظم سواتي تور ته تراوسه کوم ځواب نه دی ویل شوی. خو له دې وړاندې د پاکستان د پوځ وياند او ايي اېس ايي مشر د عمران خان د نوم اخستو پرته په هغه د پوځ بدنامولو سره سختې نيوکې کړې وې.
تحریک انصاف ګوند په 28 اکتوبر د لاهور نه اسلام اباد ته لانګ مارچ پېل کړی دی.
فواد چودري تېر ماښام ويلي، نن د اتوار/ يکشنبې په ورځ به د مريدکي نه بيا روانیږي.
عمران خان د شپې ناوخته په ټويټر ويلي، "د شپږو مياشتې راهسې يې يواځينۍ غوښتنه يې ده چې د انتخاباتو دپاره نېټه اعلانول دي او تحریک انصاف به هم د دغې غوښتنې سره مذاکرات کوي".
For all those spreading rumours about my mtg in Lahore, the reason we returned was bec Lahore was closer & we had already decided not move at night. The only demand I have had for 6 mths is date for early fair & free elections. That will be the ONLY demand if talks are to be held
— Imran Khan (@ImranKhanPTI) October 29, 2022
خو پرون حکومتي وزیرانو ويلي، عمران خان دې خپل شوق پوره کړي هیڅ ډول مذاکرات ورسره نه کيږي.
پرون د اطلاعاتو وزیر مريم اورنګزېب ويلي، د عمران خان سره مذاکرات هیڅ ګټه نه لري او په سړکونو مذاکرات نه کیږي. له دې وړاندې ویل شوي وو چې د تحریک انصاف سره د مذاکراتو دپاره حکومتي کميټي جوړه کړی شوې ده.
او د دفاع وزیر خواجه اصف هم ويلي، "انتخابات به په خپل وخت کيږي او د کومو مذاکراتو خبره چې پي ټي ايي کوي د هغې هيڅ امکان نشته".
الیکشن انشاءاللہ آئینی وقت پہ ھونگے. سیاسی قوتوں کا قومی مسائل پہ مزاکرات اوراتفاق راۓ جمہوری مزاج کا حصہ ھے.جن مزاکرات کا PTI راگ الاپ رہی ھےانکاکوئی امکان نہیں.عمران خان سارے شوق پورے کر لیں. اسوقت بھارتی میڈیا انکو بھرپور سر پرستی اور air time دے رہا ھے اسکو انجوائے کریں.
— Khawaja M. Asif (@KhawajaMAsif) October 29, 2022
پرون د کورنيو چارو وزیر رانا ثناالله په یوه خبري غونډه کې يو اډیو يا غږ چلولی چې په مبينه توګه د تحریک انصاف ګوند د يو مشر علي امين ګنډاپور دی.
ثناالله ويلي علي امين په اسلام اباد کې د وسلو جمع کولو پلان کوي خو د اسلام اباد پوليس تيار دي او د هر ډول وسله والو ډلو د مخنیوي پوره تياري يې کړې ده.
بندوقیں، بندے ISB-راولپنڈی کے بارڈر پر کس لیے لارہا ہے؟ بندوقوں کے ساتھ کیا یہ امن کا پیغام پھیلائیں گے، اس سے ظاہر ہوتا ہے یہ شیطانی مارچ اور فتنہ، فساد، لاشیں گرا کر قومی سانحہ پیدا کرنا چاہتے ہیں۔ ادارے الرٹ ہیں، اپنا فرض پوری ذمہ داری سے نبھائیں گے کوئی کسرنہیں اٹھا رکھیں گے۔
— Rana SanaUllah Khan (@RanaSanaullahPK) October 29, 2022
او له دغې وروسته علي امين ګنډاپور په ټویټر د وسلو جمع کولو په اړه څه نه دي ويلي، "خو ويلي يې دي زه به د خپلو خلکو حفاظت کوم او دا زما بنيادي حق دی. او څنګه چې تاسوپه ذهن بريد کوئ زه به ورته غبرګون وېم".
Rana sanaullah I will protect my people and it’s my fundamental right and I will react the way u will attack mind it and I repeat I will react the way u will attack I challenge and remind u our forefathers gave their lives for azadi and we will sacrifice ours for haqeeqi azadi
— Ali Amin Khan Gandapur (@AliAminKhanPTI) October 29, 2022