دپاکستان صدر ډاکټر عارف علوي دپاکستان دجمعیت علماء اسلام سره تړاؤ لرونکی دپېښور پخوانی ضلعي ناظم اؤ سینیټر حاجي غلام علي دخیبر پښتونخوا صوبې ګورنر غوره کړی دی.
دګورنر په توګه دغلام علي دغوره کولو سپارښتنه تېره ورځ وزیراعظم شهباز شریف دهیواد صدر ډاکټرعارف علوي ته لیږلې وه چې دپاکستاني رسنیو له مخې نن د چهارشنبې په ورځ صدر دایین د۱۰۱ مادې په اساس دغه سپارښتنه منلې اؤ غلام علي یې دنوي ګورنر په توګه غوره کړی دی.
حاجي غلام علي دمولانا فضل الرحمان نزدې خپلوان دی اؤ دهغه په زوي فیاض علي دمولانا فضل الرحمان یوه لور هم واده ده.
په ټولنیزو رسنیو دګورنر په توګه دغلام علي په غوره کیدو ګڼ شمیر فعالانو ستاینه کړې ده خو ځینو نورو بیا په دې ټاکنه نیوکې کړي اؤ ویلي یې دي دحکومت زیاتره څوکۍ دمولانا فضل الرحمان دکورنۍ غړو ته ورکړل شوي دي.
پی ٹی آئی نے گورنر خیبرپختونخوا کا عہدہ ایک نااہل شخص کو دے کر صوبے کے عوام سے زیادتی کی، موجودہ حکومت نے حاجی غلام علی صاحب کو گورنر بنانے کا فیصلہ کر کہ ماضی کی محرومیوں کا آزالہ کرنے کی کوشش کیمجھے امید ہے کہ غلام علی صاحب صوبے کی بہتری کے لیے زبردست اقدامات کریں گے۔ pic.twitter.com/AQVoJs6BSl
— Reham Khan (@RehamKhan1) November 23, 2022
دپخواني وزیراعظم عمران خان پخوانۍ میرمنې اؤ خبریالې ریحام خان په ټویټر لیکلي دتحریک انصاف حکومت کې دخیبر پښتونخوا دګورنر منصب یو نااهله تن ته ورکړل شوې وه اؤ دصوبې د ولس سره زیاتی شوی ؤ خو هغه وایي موجوده حکومت دغلام علي دګورنر په توګه ټاکلو سره دتیرو وختونو دمحرومیو د ازالې کولو هڅه کړې ده.
ریحام خان هیله ښکاره کړې ده چې غلام علي به دصوبې دښېګړې لپاره غوره ګامونه واخلي.
دقامي اسمبلۍ پخواني اسپیکر اؤ دتحریک انصاف ګوند وتلي مشر قاسم سوري په دې ټاکنه نیوکې کړې دي اؤ لیکلي یې دي دمولانا فضل الرحمان یو ورور عطاء الرحمان سینیټر دی،بل رور لطف الرحمان یې دصوبایي اسمبلۍ غړی دی،زوي یې اسعد محمود دمواصلاتو مرکزي وزیر دی،خښینه ریحانه اسماعیل یې د صوبایي اسمبلۍ غړې ده،خېښ یې غلام علي ګورنر اؤ بل خېښ یې زیبرعلي دپېښور ناظم دی.
مولانا فضل الرحمان کی راجدھانیبھائی عطا الرحمان سینیٹر,بھائی لطف الرحمان رکن صوبائی اسمبلی,بیٹا اسعد محمود وفاقی وزیر مواصلات,سالی ریحانہ اسماعیل رکن صوبائی اسمبلی,سمدھی غلام علی گورنر خیبر پختونخوا,سمدھی کا بیٹا زبیر علی مئیر پشاورکوئی نام رہ گیا ہو تو معذرت ۔۔
— Qasim Khan Suri (@QasimKhanSuri) November 23, 2022
هغه ددغو زیاتو نومونو لیکلو وروسته دخپل ټویټ په اخره کې لیکلي که کوم نوم ترې دلیکلو نه پاتې شوی وي نو په هغې معذرت غواړي
دخیبر پښتونخوا صوبې دګورنر څوکۍ وروسته له هغې تشه پرته وه چې دسږکال داپریل په میاشت کې شهباز شریف دهیواد وزیراعظم وټاکل شو اؤ دتحریک انصاف ګوند سره تړاؤ لرونکي دخیبر پښتونخوا صوبې ګورنر شاه فرمان دخپل منصب څخه په دې دریځ خپلولو استعفا ورکړه چې دشهباز شریف دلاندې کار نه شي کولی.
تر هغې وروسته دخیبر پښتونخوا اسمبلۍ اسپیکر مشتاق غني دسرپرست یا قایمقام ګورنر په توګه په دغه منصب ذمه وارۍ ترسره کولې.
دپاکستان دسینیټ په ویب پاڼه دپرتو معلوماتو له مخې حاجي غلام علي دمارچ کال2009 نه تر کال 2015م دپاکستان دسینیټ غړی پاتې شوی .
حاجي غلام علي دپیشې په لحاظ سره یو تجار دی اؤ دپخواني پوځي امر جنرال مشرف په واکمنۍ کې هغه پینځه کاله دپېښور دضلعي ناظم په توګه هم ذمه وارۍ ترسره کړي دي.
دا وخت دحاجي غلام علي زوي زبیر علي دپېښور ضلعي ناظم دی.