په افغانستان کې واکمنو طالبانو چې د جينکو دپاره پوهنتونونه تړلي، د دغه پرېکړې وروسته طالبان په نړيواله کچه د سختو نيوکو لاندې دي، اسلامي هيوادونو ترې د دغه پرېکړې بیرته اخستو غوښتنه کړې ده.
امریکې، پاکستان، سعودي عرب، قطر، ملګرو ملتونو او د بشري حقونو نړیوالو تنظمیونو په افغانستان کې د واکمنو طالبانو په دغه پرېکړه سختې نيوکې کړي او اندېښنه يې څرګنده کړې ده.
د امریکې د بهرنیو چارو وزارت د طالبانو د دغه پرېکړې په غبرګون کې ويلي، امریکا د طالبانو د پرېکړې په کلکه غندنه کوي چې ښځې يې په پوهنتونونو بندې کړي.
برتانيې هم د طالبانو دغه پرېکړه غندلې ده.
په افغانستان کې د واکمنو طالبانو د لوړو زده کړو وزارت پرون د نهې/ سه شنبې په ورځ [20دسمبر] ټولو سرکاري او خصوصي پوهنتونونو ته امر کړی چې تر (امر ثاني) پورې دې د جینکو تعلیم معطله کړي.
د پاکستان د بهرنيو چارو وزارت د طالبانو په دغه پرېکړه ناهيلي څرګنده کړې چې طالبانو د جينکو پوهنتونونه او لوړې زده کړې يې معطلې کړي دي.
پاکستان ويلي د طالب چارواکو نه په کلکه غوښتنه کوي چې په دغه پرېکړه بيا د سره غور وکړي.
🔊: PR NO. 5️⃣6️⃣4️⃣/2️⃣0️⃣2️⃣2️⃣Pakistan urges Afghan authorities to revisit the decision to suspend university and higher education for female students in Afghanistan🔗⬇️https://t.co/QBnrQh9K2q pic.twitter.com/ohiJ5eztUi
— Spokesperson 🇵🇰 MoFA (@ForeignOfficePk) December 21, 2022
د سعودي عرب د بهرنيو چارو وزارت د طالبانو دغه پرېکړې ته افسوسناکه او حېرانوونکې ویلي چې جينکۍ يې د پوهنتون د زده کړو د حق څخه منع کړي دي.
سعودي عرب په طالبانو غږ کړی چې دغه پرېکړه بيرته واخلي.
#Statement | The Ministry of Foreign Affairs expresses the Kingdom of Saudi Arabia’s surprise and regret at the decision of the #Afghan caretaker government to deny Afghan girls the right to university education. pic.twitter.com/epKR4MQatf
— Foreign Ministry 🇸🇦 (@KSAmofaEN) December 21, 2022
دغه ډول قطر هم د طالبانو په دغه پرېکړه ژوره اندېښنه او ناهيلي څرګنده کړې ده.
د قطر د بهرنيو چارو وزارت ویلي، د داسې ډول منفي عملونو به د افغانستان په بشري حقونو، پرمختيااو اقتصاد مهمې اغېزې وي، قطر هم د طالبانو نه غوښتي چې خپلې دغې پرېکړې ته بيا کتنه وکړي.
Statement | Qatar Expresses Deep Concern, Disappointment over Decision to Suspend Study of Girls, Women in Afghanistan%27s Universities#MOFAQatar pic.twitter.com/pE65ghWLbu
— Ministry of Foreign Affairs - Qatar (@MofaQatar_EN) December 21, 2022
ملګرو ملتونو د طالبانو په پرېکړه اندېښنه ښکاره کړې او د بشري حقونو د څار سازمان (اېچ آر ډبلیو) د طالبانو دغه فیصله "شرمناکه" بللې ده چې د جينکو په پوهتونونو يې بنديز لګولی دی.
په افغانستان کې واکمنو طالبانو له دې وړاندې ثانوي سکولونه د جینکو پر مخ تړلي وو، خو په پوهنتونونو/یونیورسټیو کې یې د خاصو محدودیتونو لاندې جېنکو ته اجازه ورکړې وه چې تعلیم وکړي.